កូនភ្លោះប្រុសដែលកើតមកក្បាលជាប់គ្នា ត្រូវបានគ្រូពេទ្យក្នុងប្រទេសឥណ្ឌាធ្វើការវះកាត់បំបែកចេញពីគ្នាបានដោយជោគជ័យ ហើយពេលនេះ ក្មេងប្រុសម្នាក់បានដឹងខ្លួនហើយ ៤ថ្ងៃបន្ទាប់ពីការវះកាត់ ជាប្រវត្តិសាស្ត្រនេះ។ នេះបើតាមការចេញផ្សាយរបស់សារព័ត៌មានអង់គ្លេស BBC នៅថ្ងៃច័ន្ទ ទី ៣០នេះ។
ក្មេងម្នាក់អាយុ ២ឆ្នាំ និងមានឈ្មោះ ចាហ្គា (Jaga) បានបើកភ្នែក និងអាចកំរើកអវៈយវៈបានហើយ និងត្រូវបានគ្រូពេទ្យដាក់ក្នុងប្រឈប់មានបញ្ជូលខ្យល់ និងត្រូវញែកធាតុរាវក្នុងខ្លួន ដោយសារបញ្ហាក្រលាន។
ប៉ុន្តែបងប្រុសរបស់គេ រហូតមកដល់ពេលនេះនៅមិនទាន់ដឹងខ្លួននៅឡើងទេ និងមានបញ្ហាប្រកាច់។
ក្មេងប្រុសទាំងពីរ កើតមកមានសរសៃឈាម និងជាលិការខួរក្បាលរួមគ្នា ប៉ុន្តែគ្រូពេទ្យឥណ្ឌាបានបំបែកពួកគេចេញពីគ្នាបាន បន្ទាប់ពីក្រុមគ្រូពេទ្យ ៣០នាក់ការវះកាន់អស់រយៈពេល ១៦ម៉ោង។
ក្មេងប្រុសភ្លោះទាំងពីរមានស្ថានភាពធម្មតា ហើយពេទ្យពេញចិត្តនឹងការវះកាត់របស់ពួកគេ៕ ដោយ ៖ សុភ័ក្ត្រ
