តាម South China Morning Post (SCMP) ស្ត្រីជនជាតិចិនម្នាក់ដែលគេពុំប្រកាសឲ្យដឹងពីអត្តសញ្ញាណបានរងរបួសជាទម្ងន់ បន្ទាប់ពីឆ្កែមួយធ្លាក់ចំលើក្បាល កាលពីថ្ងៃទី ២៤ ខែមេសាម្សិលមិញនេះ ។
គ្រោះថ្នាក់ដ៏កម្រខាងលើបានកើតឡើង ខណៈពេលដែលស្ត្រីរូបនេះកំពុងដើរតាមដងវិថី ទីក្រុងក្វាងចូវខេត្តក្វាងដុងខាងត្បូងប្រទេសចិន។
រូបភាពពីកាមេរ៉ាសុវត្ថិភាពបង្ហាញឲ្យឃើញថា ឆ្កែតូចល្មមមួយក្បាល ពណ៌សបានធ្លាក់ចំក្បាលស្ត្រីខាងលើ ធ្វើឲ្យនាងដួលសន្លប់នៅនឹងកន្លែងភ្លាមៗ។ តាមការបង្ហើបពី The Beijing News នោះជនរងគ្រោះត្រូវបានបញ្ជូនទៅកាន់មន្ទីរពេទ្យដើម្បីព្យាបាលរបួសយ៉ាងធ្ងន់ធ្ងរ ពេលនេះកំពុងត្រូវបានក្រុមវេជ្ជបណ្ឌិតតាមដានពិនិត្យ ។ ប៉ូលិសកំពុងធ្វើការស៊ើបអង្កេតករណីរឿង ។
សំណាងល្អដែលអ្នកពរកូនដើរពីមុខបានទៅផុត ខណៈពេលនារីដើរក្រោយរងរបួសយ៉ាងធ្ងន់ធ្ងរ ព្រោះត្រូវបានឆ្កែធ្លាក់ចំក្បាល ៕
