ឆ្នេរមួយនៅភាគខាងកើតប្រទេសថៃ ត្រូវបានប្រកាសជាតំបន់គ្រោះមហន្តរាយកាលពីថ្ងៃសៅរ៍ ខណៈដែលប្រេងដែលលេចចេញពីបំពង់បង្ហូរប្រេងក្រោមទឹកក្នុងឈូងសមុទ្រថៃបានបន្តបោកបក់មកច្រាំង និងធ្វើឱ្យខ្សាច់ខ្មៅ។
ការលេចធ្លាយចេញពីបំពង់បង្ហូរប្រេងដែលជាកម្មសិទ្ធិរបស់ក្រុមហ៊ុន ស្តា ផេត្រូលីម រីហ្វាញនីង (Star Petroleum Refining Public Company Limited (SPRC) បានចាប់ផ្តើមកាលពីល្ងាចថ្ងៃអង្គារ ហើយត្រូវបានគ្រប់គ្រងមួយថ្ងៃក្រោយមក បន្ទាប់ពីបានបង្ហូរប្រេងប្រមាណ 50,000 លីត្រចូលទៅក្នុងមហា
សមុទ្រចម្ងាយ 20 គីឡូម៉ែត្រពីឆ្នេរសមុទ្រភាគខាងកើតរបស់ប្រទេសថៃ។
ប្រេងខ្លះបានទៅដល់ច្រាំងសមុទ្រនៅឆ្នេរ មេ រ៉ាំភឿង (Mae Ramphueng) ក្នុងខេត្ត រាយ៉ង (Rayong) កាលពីល្ងាចថ្ងៃសុក្រ បន្ទាប់ពីបានសាយភាយលើផ្ទៃសមុទ្រជាង ៤៧ គីឡូម៉ែត្រក្រឡាក្នុងឈូង
សមុទ្រ។ កងទ័ពជើងទឹកកំពុងធ្វើការជាមួយ SPRC ដើម្បីទប់ស្កាត់ការលេចធ្លាយ ហើយបាននិយាយថា បរិមាណប្រេងសំខាន់ៗនៅតែនៅឈូងសមុទ្រ ដោយមានចំនួនតិចតួចប៉ុណ្ណោះដែលហូរនៅលើយ៉ាងហោចណាស់ពីរកន្លែងតាមបណ្តោយឆ្នេរប្រវែង 12 គីឡូម៉ែត្រ។
កងទ័ពជើងទឹកបាននិយាយថា បុគ្គលិក SPRC ប្រហែល 150 នាក់ និងបុគ្គលិកកងទ័ពជើងទឹក 200 នាក់ត្រូវបានដាក់ពង្រាយដើម្បីសម្អាតឆ្នេរ ហើយរបាំងប្រេងត្រូវបានបង្កើតឡើង។ នាវាកងទ័ពជើងទឹក១២គ្រឿង និងកប៉ាល់ស៊ីវិល៣គ្រឿង រួមជាមួយនឹងយន្តហោះជាច្រើនគ្រឿង ក៏កំពុងធ្វើការដើម្បីទប់ស្កាត់ការកំពប់ទឹកនៅសមុទ្រ ជាមួយនឹងការផ្ទុះ និងការបាញ់បំបែក៕ ប្រភព៖រ៉យទ័រ
