ភ្នំពេញ ៖ បន្ទាប់ពីបានតាមដានលើស្ថានភាពអាកាសធាតុរួចមក ឃើញថា ៖
-ព្រះរាជាណាចក្រកម្ពុជា បាននិងកំពុងទទួលនូវរបបខ្យល់មូសុងឦសាន។
-ចាប់ពីថ្ងៃទី ២-៤ ខែវិច្ឆិកា ឆ្នាំ ២០១៧ ខ្យល់មូសុងឦសាននឹងបង្កើនឥទ្ធិពលខ្លាំង។ ខ្យល់មានល្បឿនពី ៥-៨ម៉ោង/១វិនាទី ។
-មានវិសម្ពាធទាបមួយ បានកើតឡើងនៅក្នុងសមុទ្រចិនខាងត្បូង។ វិសម្ពាធនេះ នឹងធ្វើដំណើរចូលមកប៉ែកខាងក្រោមឈូងសមុទ្រថៃ។
លក្ខណៈបែបនេះ នឹងធ្វើឲ្យអាកាសធាតុនៅព្រះរាជាណាចក្រកម្ពុជាមានស្ថានភាពដូចខាងក្រោម ៖
១.ចាប់ពីថ្ងៃទី៣១ ខែតុលា ដល់ថ្ងៃទី២ ខែវិច្ឆិកា ឆ្នាំ២០១៧ និងមានភ្លៀងធ្លាក់នៅបណ្តាខេត្តនានា ពិសេសបណ្តាខេត្តនៅតំបន់ទំនាបកណ្តាលភាគខាងត្បូង និងភាគខាងកើត (ជាប់ប្រទេសវៀតណាម) ។
២.សម្រាប់រាជធានីភ្នំពេញ ៖ ចាប់ពីថ្ងៃទី០២-០៤ ខែវិច្ឆិកា អាចមានភ្លៀងពីតិចទៅមធ្យម (នៅពេលយប់) តែមានខ្យល់ខ្លាំង។ សីតុណ្ហភាពអប្បបរមាស្ថិតក្នុងរង្វង់ ២២អង្សាសេ។
៣.ចាប់ពីថ្ងៃទី 02-03 ខែវិច្ឆិកា ឆ្នាំ២០១៧ នឹងមានភ្លៀងធ្លាក់នៅតំបន់មាត់សមុទ្រ ជាពិសេសខេត្តកំពត កែប និងខេត្តព្រះសីហនុ។ លើផ្ទៃសមុទ្រ នឹងមានភ្លៀងលាយឡំនឹងខ្យល់បក់បោកខ្លាំង។
សូមបងប្អូនប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗដែលអាចកើតមានឡើងជាយថាហេតុ៕ ដោយ ៖ នាថ
