បាត់ដំបង ៖ តាមពាក្យបណ្តឹងរបស់ម្តាយ និងដោយមានការឯកភាពពីលោកព្រះរាជអាជ្ញាអមសាលាដំបូង នគរបាល បានចាប់ខ្លួនក្មេងប្រុសម្នាក់ ពាក់ព័ន្ធនិងករណីចាប់រំលោភសេពសន្ថវៈទៅលើប្អូនស្រីបង្កើតរបស់ខ្លួន។
លោកវរសេនីយ៍ត្រី ស គឹមឡុង អធិការនគរបាល ស្រុកមោងឫស្សី បានឲ្យដឹងថា ក្រោយពីស្ត្រីជាម្តាយបានមកដាក់ពាក្យប្តឹងទៅលើកូនប្រុសបង្កើតរបស់គាត់រួចមកនិងដោយអនុវត្តន៍តាមការណែនាំបញ្ជាផ្ទាល់ពី លោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង ក៏ដូចជាលោកឧត្តមសេនីយ៍ត្រី ជេត វណ្ណនី ស្នងការរងនគរបាលទទួលបន្ទុកផែនព្រហ្មទណ្ឌ និង មានការសម្របសម្រួលលើនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង កាលពីថ្ងៃទី៤ ខែឧសភា ឆ្នាំ២០១៨ កម្លាំងជំនាញ នៃអធិការដ្ឋាននគរបាលស្រុកមោងឫស្សី បានចុះឃាត់ខ្លួនជនសង្ស័យម្នាក់ឈ្មោះ ហេង វាសនា ភេទប្រុស អាយុ១៤ឆ្នាំ រស់នៅផ្ទះជួល ស្ថិតក្នុងភូមិដើមដូង ឃុំមោង ស្រុកមោងឫស្សី ពាក់ព័ន្ធករណីរំលោភសេពសន្ថវៈ ទៅលើប្អូនស្រីបង្កើតខ្លួន ដែលមានឈ្មោះ ហ.ស.ខ អាយុ៨ឆ្នាំ កាលពីថ្ងៃទី៣ ខែឧសភា ឆ្នាំ២០១៨ ចន្លោះម៉ោង៧និង៣០នាទីព្រឹក ទៅម៉ោង១២ថ្ងៃត្រង់ ចំណុចក្រុមទី៨ ភូមិដើមដូង។
ពាក្យបណ្តឹងរបស់ម្តាយ បានបញ្ជាក់ថា ចាប់ពីអំឡុងខែកុម្ភៈ រហូតដល់ ខែឧសភា ឆ្នាំ២០១៨នេះ កូនប្រុសបង្កើតរបស់ខ្លួនបានធ្វើសកម្មភាព ចាប់រំលោភសេពសន្ថវៈជាមួយប្អូនស្រីបង្កើតរបស់ខ្លួនឯង ជាច្រើនលើក ច្រើនសារ ដោយបានសម្រេចរាល់លើក ហើយទើបតែបែកការណ៍ ។
តាមការសារភាពរបស់ក្មេងប្រុស បានបញ្ជាក់ថា ការឡើងតណ្ហានេះ ដោយសារតែកន្លងមក ខ្លួនធ្លាប់មើលរឿងក្តៅសាច់ តាមរយៈទូរស័ព្ទដៃមិត្តភក្តិច្រើនពេក ដែលធ្វើឲ្យខ្លួនមានអារម្មណ៍ចង់សាក ចង់ដឹង ក៏ប្រព្រឹត្តរឿងផ្តេសផ្តាស់បែបនេះ៕ ដោយ ៖ បញ្ញាស័ក្តិ
