បន្ទាយមានជ័យ៖ ខ្យល់កន្ត្រាក់បង្កពីភ្លៀងកក់ខែ នៃបាតុភូតសម្ពាធទាបក្នុងតំបន់បង្កអោយប៉ះពាល់ខូចខាតផ្ទះប្រជាពលរដ្ឋចំនួន៤ខ្នង នៅក្នុងឃុំបន្ទាយឆ្មា ស្រុកថ្មពួកខេត្តបន្ទាយមានជ័យ កាលពីល្ងាចម៉ោង៤ទៀបភ្លឺ ថ្ងៃទី៥ ខែវិច្ឆិកា ឆ្នាំ២០១៧ កន្លងមក។
លោកអនុសេនីយ៍ អ៊ុក សូរផុន ប្រធានស្នាក់ការសន្តិសុខ៥៦៧បានឲ្យដឹងថា ៖ ផ្ទះប្រជាពលរដ្ឋនោះមាននៅក្នុងភូមិថ្មរមៀលខាងលិច និងភូមិថ្មរមៀលខាងកើត ឃុំបន្ទាយឆ្មារ ស្រុកថ្មពួក ខេត្តបន្ទាយមាជ័យ។ នៅភូមិថ្មរមៀលលិចមានប្រជាពលរដ្ឋចំនួនខ្នង២ខ្នង១-ឈ្មោះ សុង ស៊ីថា ភេទប្រុស អាយុ២៨ឆ្នាំ ផ្ទះខូចខាតធ្ងន់។ ២-ឈ្មោះ ប៉ី សារ៉េត ភេទប្រុស អាយុ៥៤ឆ្នាំ របើកស័ង្កសីអស់ជាច្រើនសន្លឹក។
ចំណែកភូមិថ្មរមៀលកើតមាន២ខ្នង១-ឈ្មោះ ទេន វិទូ ភេទប្រុស អាយុ៣០ឆ្នាំ របើកស័ង្កសីអស់១២សន្លឹកនិង២- ពេជ្រ ពឿន ប្រុសអាយុ៥១ឆ្នាំ របើកស៊ីប្រូជាច្រើនសន្លឹក។ ក្រោយធម្មជាតិនោះកំលាំងអាវុធហត្ថនិងអាជ្ញាធរស្រុកបានចុះទៅដល់កន្លែងកើតហេតុដើម្បីជួយរៀបចំ៕ ដោយ ៖ បន្ទាយ
