វ៉ៃរ៉ាល់ចិន នាងក្រមុំរូបស្រស់ អ្នកលក់អនឡាញល្បីឈ្មោះ កំពុងឡៃហ្វ៍លក់ផលិតផលសុខៗ ស្រាប់តែធ្វើឱ្យអ្នកមើលភ្ញាក់ព្រើត ក្រោយសុដន ធ្លាក់ចុះមកក្រោម ជិតដល់ក្បាលពោះ ធ្វើឱ្យអ្នកលេងបណ្ដាញសង្គមស្រឡាំងកាំងគ្រប់គ្នា…
បច្ចុប្បន្ន កើតមានអាជីពថ្មីៗជាច្រើន ជាពិសេសអាជីពដែលពាក់ព័ន្ធនឹងការងារអនឡាញ មានមនុស្សជាច្រើនរកប្រាក់ចំណូលបានយ៉ាងសន្ធឹក តាមរយៈការឡៃហ្វ៍ផ្ទាល់តាមអ៊ីនធើណិត មិនថាតែ ស្ទ្រីមមើរហ្គេម វីជេ ឬអ្នកលក់ផលិតផលឡៃហ្វ៍ផ្ទាល់ជាដើម តែមានឈ្មោះថា ជាអ្នកឡៃហ្វ៍ផ្ទាល់លក់ផលិតផល ច្បាស់ជាមានចំណុចមិនល្អដូចគ្នា។
ជាក់ស្ដែង នៅលើវេបសាយ អ៊ីធី ធូដេយ៍ បានរាយការណ៍ពីរឿងរ៉ាវរបស់នាងក្រមុំម្នាក់ ដែលជាអ្នកលក់អនឡាញល្បីឈ្មោះនៅក្នុងប្រទេសចិន និងកំពុងក្លាយជាវ៉ៃរ៉ាល់នៅក្នុងពិភពបណ្ដាញសង្គម ក្រោយពីនាងបានឡៃហ្វ៍ផ្ទាល់លក់ផលិតផល ហើយកើតហេតុការណ៍ ដែលមិននឹកស្មានដល់។ ខណៈដែលនាងកំពុងបរិយាយពីផលិតផល ភ្លាមនោះឯង សុដនរបស់អ្នកលក់តាមអនឡាញម្នាក់នេះ ក៏បានរំកិលធ្លាក់ចុះម្ដងបន្តិចៗ ចុះមកជិតដល់ក្បាលពោះ ធ្វើឱ្យអ្នកទស្សនាទាំងឡាយងឿងឆ្ងល់គ្រប់គ្នាថា ម៉េចបានវាទៅជាអ៊ីចឹង?
ហេតុការណ៍នេះ ធ្វើឱ្យមនុស្សជាច្រើន ចូលមកខមមិនត៍សួរ ដូចជា “ឈប់សិនមើល៍ ម៉េចបានដើមទ្រូង ធ្លាក់មកនៅត្រង់ហ្នុងអ៊ីចឹង?” ឯអ្នកខ្លះទៀតខមមិនត៍ថា “ចុំ កើតអីហ្នឹង?” និង “ការពិត អាចជាអ្វីមួយដែលពិបាកនឹងទទួលយកណាស់ មែនទេ?” តែយ៉ាងណាក៏ដោយ នៅមិនទាន់មានរបាយការណ៍បន្ថែមថា តើក្រោយពីកើតហេតុការណ៍នេះឡើង នាងក្រមុំរូបនោះបានធ្វើការបកស្រាយ ឬផ្ដល់ចម្លើយ ចំពោះសំណួររបស់ហ្វ៊ែនៗទាំងនោះ ថាយ៉ាងណានៅឡើយទេ៕
