ស្ត្រីជាច្រើនបានបង្ហាញថា ពួកគេអាចធ្វើអ្វីៗដែលបុរសៗអាចធ្វើបាន ។ ជាក់ស្តែង សព្វថ្ងៃនេះ យើងបានឃើញស្ត្រីជាច្រើនធ្វើការងារតាមរយៈបើកបរឡានក្រុង និងតាកស៊ី ខណៈស្ត្រីមួយចំនួនទៀត សូម្បីកំពុងធ្វើការតាមផ្នែកសំណង់ និងលើសពីនេះ ស្ត្រីក៏អាចមានសមត្ថភាពបើកបរយន្តហោះដូចបុរសផងដែរ! ។
នារីម្នាក់ឈ្មោះ Shanika Silverio ទើបបង្ហាញឲ្យពិភពលោកដឹងថា «ការងាររបស់បុរស» ក៏អាចធ្វើបានសម្រាប់ស្ត្រី ហើយពួកគេអាចធ្វើការយ៉ាងល្អប្រសើរទៀតផង! ។ បន្ទាប់ពីបញ្ចប់ការសិក្សាថ្នាក់បរិញ្ញាប័ត្រផ្នែកប្រតិបត្តិការហោះហើរ និងអាកាសចរណ៍ ពីសាលាហោះហើរ Airlink កញ្ញា Shanika ឥឡូវនេះ អាចបញ្ជាយន្តហោះជាផ្លូវការហើយ ។
ក្រៅពីរៀនពូកែ Shanika ក៏មានរូមសម្រស់ស្រស់ស្អាត ដែលនាងក៏អាចប្រលងជាប់ជាតារាម៉ូដែលយ៉ាងស្រួលផងដែរ ។ ហើយទន្ទឹមនេះផងដែរ នាងកំពុងទទួលការចាប់អារម្មណ៍នៅលើអ៊ីនធើរណែត បន្ទាប់ពីរឿងរបស់នាងអមជាមួយរូបថតឃ្យូតៗរបស់នាង លេចឡើងនៅលើបណ្តាញសង្គម ។ ភ្លាមៗនោះ នាងទទួលបានហ្វេនយ៉ាងច្រើននាក់ ដែលបានកោតសរសើរនាងថា ពុំត្រឹមតែរៀនឆ្លាត់ពូកែប៉ុណ្ណោះទេ តែក៏មានរូបសម្រស់ប្រៀបនឹងតារាទៀតផង ៕ ចន្ទី
