ដំបូងឡើយឆ្កែរបស់គាត់វាចេះតែព្រុសខ្លាំង ប្រហែលជាវាស្រង់បានក្លិនអ្វីចម្លែកនៅក្នុងព្រៃខាងមុខ ស្រាប់តែមានសត្វចម្លែកមួយក្បាលដូចជា “មនុស្សចចក” នៅក្នុងរឿងនិទានលោតចេញមក រួចប្រដេញតាមឆ្កែរបស់គាត់។
ពេលនោះគាត់ពិតជាស្លន់ស្លោ បានត្រឹមតែស្រែកហៅឆ្កែរបស់របស់គាត់ ពេលឃើញច្បាស់នូវស្រមោលខ្មៅនៃចចក ដ៏ធំសម្បើមមួយ។
តាមអ្វីដែលគាត់ថតបានទាំងស្លន់ស្លោនោះ មនុស្សជាច្រើនក្រោយពេលទស្សនាឃ្លីបនេះ បាននិយាយថា វាគឺជាសត្វ “មនុស្សចចក” ដូចដែលព្រានប្រមាញ់ជាច្រើនដែលរស់នៅតំបន់ព្រៃក្រាសនាអាមេរិកខាងជើងតែងជួបប្រទះ ហើយហៅថាជាមនុស្សចចក ព្រោះវាមានពាក់កណ្តាលខ្លួនជាឆ្កែ ហើយពាក់កណ្តាលខ្លួនទៀតជាមនុស្ស ៕ លីសា