លោកយាយអាយុ ៨៦ ឆ្នាំ ម្នាក់ បានមានការភ្ញាក់ផ្អើល និងភ័យខ្លាចយ៉ាងខ្លាំង នៅពេលគាត់ប្រទះឃើញពស់វែក១ក្បាល ដែលបានយកផ្ទះរបស់គាត់ ធ្វើជាកន្លែងរស់នៅដ៏សុខស្រួលបែបនេះ ។
លោកយាយឈ្មោះ Somboon រស់នៅក្នុងស្រុក Bangkae ខេត្ត Chanthaburi បានហៅអ្នកជំនាញមកកាន់ផ្ទះរបស់គាត់ ដើម្បីយកពស់វែកនេះចេញ ។ ពស់វែកដែលមានប្រវែងប្រហែល១ម៉ែត្រនេះ បានកំពុងសម្ងំលាក់ខ្លួននៅថង់មួយក្នុងផ្ទះរបស់លោកយាយ ។
មន្ត្រីម្នាក់បានយកខ្សែស៊កចូលក្នុងបំពង់ដែក ដើម្បីទាក់.កពស់នេះដាក់ចូលក្នុងទ្រុង ហើយបន្ទាប់មក ពួកគេក៏បាននាំយកវាទៅព្រលែងក្នុងព្រៃវិញ ៕ ចន្ទី
