មនុស្សយើងកើតមកមានរូបរាងស្អាត មិនមែនជារឿងអស្ចារ្យនោះទេ តែការដែលបានកើតមក មានខួរក្បាលល្អ ទើបជារឿងអស្ចារ្យ ដូចកុមាររីម្នាក់អញ្ជឹងដែរ។ នាងទើបតែអាយុ ២ឆ្នាំសោះ ប៉ុន្តែនាងមានខួរក្បាលល្អ លើសពីក្មេងដទៃ ដោយនាងអាចស្គាល់ទង់ជាតិប្រទេសច្រើនជាង ៧០ ព្រមទាំងស្គាល់រដ្ឋធានីរបស់ប្រទេសទាំងនោះផងដែរ។
នាងតូចដ៏ឆ្លាតម្នាក់នេះ គ្រាន់តែមើលរូបទង់ជាតិ ក៏ដឹងថាប្រទេសនោះឈ្មោះអ្វីដែរ ហើយថែមទាំងស្គាល់រដ្ឋធានីរបស់វាទៀតផង។
ម្តាយរបស់នាងឈ្មោះ Emeraldine Hilongo បានថតវីដេអូកូនស្រីដ៏សែនឆ្លាតរបស់គាត់ នៅផ្ទះរបស់ពួកគេ ស្ថិតក្នុងទីក្រុង Salt Lake City នៃរដ្ឋ Utah សហរដ្ឋអាមេរិច។
វីដេអូរបស់កុមារី ដែលមានខួរក្បាលល្អនេះ ត្រូវបានគេបង្ហោះនៅលើយូធូប និងត្រូវបានគេចែកចាយយ៉ាងច្រើននៅលើបណ្តាញសង្គម។
ម្តាយរបស់នាងបញ្ជាក់ថា កូនស្រីរបស់គាត់ តើបតែចេះនិយាយបានច្រើនពាក្យ នៅពេលនាងមានអាយុ ១៨ខែ។ ចំនែលវេជ្ជបណ្ឌិតវិញ បាននិយាយថា ខួរក្បាលរបស់នាងមានការវិវឌ្ឍន៍ខ្ពស់ជាងអាយុរបស់នាង៕ សុភ័ក្ត្រ
ប្រភព៖ feedytv