នៅលើបណ្តាញទំនាក់ទំនងសង្គមថៃ នៅថ្ងៃទី៤ ខែឧសភា ឆ្នាំ២០២៣ នេះ បានបញ្ចេញឃ្លីបនារីវ័យក្មេងឥតកេរ្តិ៍ខ្មាសម្នាក់ កំពុងបត់ជើងតូច នៅពីមុខប៉ុស្តិ៍នគរបាល Lumpini បង្កឲ្យមានការភ្ញាក់ផ្អើល និងហួសចិត្តយ៉ាងខ្លាំងតែម្តង ព្រោះថាបើទោះបីជាមានរថយន្ត១គ្រឿងនៅក្បែរនោះក៏ដោយ ក៏នាងមិនអើពើនឹងភ្នែកអ្នកមើលពីក្នុងរថយន្តឡើយ។
នារីរូបនោះ ក៏ត្រូវបានលឺនិយាយក្នុងឃ្លីបដ៏ហួសចិត្តថា «ខ្ញុំនឹងទៅនោមឱ្យអ្នកមើល អ្នកមើលមកខ្ញុំ មើលមកខ្ញុំមក!!»។ ហើយអ្នកដែលថតឃ្លីបនោះក៏បាននិយាយថា នារីម្នាក់នេះពិតជាបាននោមមែន នៅកន្លែងប៉ុស្តិ៍នគរបាលលំភីនី។
ក្រោយមក សមត្ថកិច្ចនៅប៉ុស្តិ៍បានដឹងពីហេតុការណ៍នេះ ក៏ប្រញាប់នាំស្ត្រីរូបនោះចូលទៅប៉ុស្តិ៍ប៉ូលិស ដើម្បីសួរនាំ។ ដំបូងឡើយ នារីរូបនេះបដិសេធបាននោមទេ។ ទោះជាយ៉ាងណា មិនអាចកុហកប៉ូលិសបានឡើយ ព្រោះប៉ូលិសមានភស្តុតាងអ្នកថតឃ្លីប បានបង្ហាញនាងនោមយ៉ាងច្បាស់ក្រឡែត ដែលមិនអាចប្រកែកបាន។
ឃ្លីបនេះត្រូវបានគេចែករំលែកជាង ៤ ពាន់ដង។ ក្នុងនោះ មនុស្សគ្រប់គ្នាពិតជាមានការភ្ញាក់ផ្អើល និងងឿងឆ្ងល់យ៉ាងខ្លាំង ថាតើទឹកនោមច្រើនម្ល៉ឹងៗមកពីណា? ឡើងហៀរហូរតែម្តង។ បន្ថែមសកម្មភាពបែបនេះ គេក៏មិនដឹងថាត្រូវនិយាយយ៉ាងម៉េចនោះទេ ដោយបានត្រឹមមានអារម្មណ៍ថា វាជាទង្វើដ៏មិនសមរម្យ៕ រក្សាសិទ្ធិដោយ៖ លឹម ហុង
