សម្រាប់មនុស្សដែលធ្វើការក្នុងអំឡុងពេលនៃពិធីបុណ្យ Kenduri ឬការជួបជុំដ៏ធំ ដែលជាកន្លែងប្រើប្រាស់ប្រឡាក់ខ្លាញ់ច្រើន នោះការគិតគូរលាងសម្អាត ពែង ចាន ឆ្នាំង… គឺជាការងារដែលមិនងាយស្រួលនោះទេ។
ហេតុនេះ ពួកគេមានវិធីពិសេសតែមួយគត់ គឺនៅរាល់ពេលលាងសម្អាត គឺដំបូងពួកគេត្រូវប្រើខ្សាច់ ឬដី ជំនួសសាប៊ូ នៅលើចាន ព្រោះវាមានប្រសិទ្ធភាព! ហើយជាជាដំណើរការដ៏អស្ចារ្យ ធ្វើឱ្យចានស្អាតល្អទៀតផង។
នៅក្នុងវីដេអូ ក្រុមអ្នកស្ម័គ្រចិត្ដជាយុវជន និងក្មេងៗ ត្រូវបានគេមើលឃើញថា កំពុងជូតចានជាមួយដី មុនពេលយកទៅកាន់កន្លែងសម្អាតបន្ទាប់ សម្រាប់ដំណើរការសាប៊ូ និងលាងជម្រះធម្មតាចុងក្រោយ។
ជាក់ស្តែង អ្នកបង្ហោះសរសេរ Caption ចំណងជើងវីដេអូថា៖ «នេះជាលើកដំបូងសម្រាប់ខ្ញុំ។ វាដំណើរការល្អ និងជាវិធីដ៏ងាយស្រួលជាង»។
តាមអ្នកលេងអ៊ីនធឺណិតម្នាក់ បាននិយាយថា នេះជារបៀបដែលពួកគេធ្វើនៅសម័យបុរាណ និងក៏បានបង្ហាញទិដ្ឋភាពអតីតកាលឲ្យឃើញថា៖ «កាលពីមុន នេះជារបៀបដែលពួកគេលាងចានបែបនេះ ដោយប្រើអាចម៌រណារ ឬ ស្រកីដូង។ នេះជារូបភាពដែលខ្ញុំមានកាលពីទស្សវត្ស ៦០/៧០ ពេលជីដូនរបស់ខ្ញុំធ្វើពិធីរៀបការផ្ទាល់ខ្លួន»៕ រក្សាសិទ្ធិដោយ៖ លឹម ហុង
