ប្រសិនជាអាច… នោះមនុស្សគ្រប់ៗគ្នាប្រាកដណាស់ចង់បានរូបរាងល្អស្អាតសមល្មមនឹងទទួលយកបាន ប៉ុន្តែ ពុំមែនអ្នកទាំងអស់គ្នា សុទ្ធតែអាចទទួលបាននូវអ្វីដែលខ្លួនចង់បានវាដោយងាយស្រួលនោះទេ ។ ទោះយ៉ាងណា ស្ត្រីអាយុ ៣៣ ឆ្នាំ ម្នាក់នេះ គឺជាមនុស្សគំរូរបំផុសគំនិតម្នាក់ បន្ទាប់ពីនាងបានគ្រប់គ្រងបញ្ចុះទម្ងន់ ៣០ គ.ក្រ ក្នុងរយៈពេលត្រឹមតែ ១២២ ថ្ងៃ ប៉ុណ្ណោះ នៅក្នុងខែមេសា ឆ្នាំ២០១៨ ។ រហូតមកទល់ពេលនេះ នាងបានបញ្ចុះទម្ងន់រហូតដល់ ៣៧ គ.ក្រ ក្នុងរយៈពេលតែ ៦ ខែ ។
យោងតាមសារព័ត៌មាន United Daily News បានឲ្យដឹងថា នាងគឺជាអ្នកសិល្បៈតៃវ៉ាន់ ដែលត្រូវបានគេស្គាល់ឈ្មោះថា Karen Hu ឬ តាមរយៈឈ្មោះ Xiao Zhen ដែលបានកំពុងប្រយុទ្ធប្រឆាំងនឹងជំងឺអូវែពកច្រើន តាមរយៈសារធាតុសំរាប់បង្កើតអរម៉ូន steroid ។ ជំងឺនេះបានបង្កឲ្យនាងឡើងទម្ងន់រហូតដល់ ២០ គ.ក្រ ក្នុងរយៈពេល ៦ ខែ ដំបូង ហើយឪពុករបស់នាងក៏បានយកនាងទៅពិនិត្យសុខភាព ។
គាត់បានប្រាប់នាងថា គាត់នឹងផ្តល់លុយដល់នាងជាង ១២០០ ដុល្លារ ដើម្បីលើកទឹកចិត្តនាងឲ្យទទួលបានរូងរាងដូចល្អធម្មតាវិញ ហើយនាងទទួលយកការប្រឈមនោះ ។ ម្តាយកូន១រូបនេះ បន្ទាប់មក បានសម្រេចចិត្តចាប់ផ្តើមអនុវត្ត ហើយបន្តិចម្តងៗ ទម្ងន់នេះបានចាប់ផ្តើមធ្លាក់ចុះគួរឲ្យរីករាយ ។
Karen បានគ្រប់គ្រងទទួលបានរូបរាងរបស់នាងស្វែលឡើងវិញ ដោយគ្រាន់តែធ្វើលំហាត់ប្រាណឲ្យទៀងទាត់ និងគ្រប់គ្រងរបបអាហារ ។ នៅពេលនាងចែករំលែករូបភាពរីកចម្រើនរបស់នាងនៅលើបណ្តាញសង្គម នោះរឿងនេះបានជំរុញឲ្យអ្នកតាមដាននាងជាច្រើនសួរទៅនាង អំពីគន្លឹះនៃការសម្រកទម្ងន់នេះមួយចំនួន ។ បន្ទាប់មក នាងបានចែករំលែកចំណុចសំខាន់ៗចំនួន ៣ ដែលនាងបានអនុវត្តតាមយ៉ាងតឹងរ៉ឹង៖
១- ឈប់ផឹកគ្រឿងស្រវឹង
២- ឈប់ញ៉ាំអាហារហឹរ
៣- ហាត់ប្រាណឲ្យបានទៀងទាត់
នាងនិយាយថា ដើម្បីទទួលបានរូបរាងសមសួន នោះអ្នកត្រូវធ្វើតាមសមមាត្រដូចនេះ៖ ហាត់ប្រាណ ៩០% និងរបបអាហារ ១០% ។
នាងបន្តថា៖ «ទោះយ៉ាងណា ដំបូង វាពិតជាមានការលំបាក់ណាស់សម្រាប់ខ្ញុំឈប់ញ៉ាំ (ជ្រុល) តែបន្ទាប់ ២១ ថ្ងៃ នៃការកំហិតខ្លួនឯងនេះ វាក៏ក្លាយជាទម្លាប់មួយ ។ យើងក៏គួរញ៉ាំយឺតៗ ព្រោះខួរក្បាលត្រូវការពេលវេលា ដើម្បីដំណើរការថាអ្នកកំពុងផ្ទុកពេញទៅហើយ» ៕ ចន្ទី (ប្រភព៖ worldofbuzz)
