នេះជាខណៈពេលដ៏ស្លុតរន្ធត់មួយ ដែលបុរសអ្នកឈរមើលម្នាក់ បានស្លាប់ភ្លាមៗនៅនឹងកន្លែង ដោយសារសរសរដោតជាប់នឹងដី១ដើម បានរលំយ៉ាងលឿនដូចផ្លេកបន្ទោរ ហើយបោកផ្ទប់នឹងក្បាលរបស់គាត់ បន្ទាប់ពីវាត្រូវបានគាស់រំលើងដោយគ្រឿងចក្រលើកដាក់ទំនិញ១គ្រឿង នៅក្នុងប្រទេសចិន ។
តាមរយៈវីដេអូ បានបង្ហាញឲ្យឃើញកម្មករមួយក្រុម កំពុងរៀបចំគាស់រំលើងសរសរកប់នឹងដីកណ្តាលផ្លូវ១ដើម ដែលលែងមានប្រយោជន៍ ។ ប៉ុន្តែ ជាអកុសល ខណៈពេលចាប់ផ្តើមប្រើគ្រឿងចក្រនេះគាស់រំលើង ស្រាប់តែសរសរនោះបានរំលំដួលយ៉ាងលឿនមើលពុំទាន់ និងវាយប្រហារចំក្បាលបុរសម្នាក់កំពុងឈរឱនមើល ពុំបានប្រុងប្រយ័ត្ន បណ្តាលឲ្យដួលស្លាប់ភ្លាមៗក្នុងថ្លុកឈាមគួរឲ្យអាសូរបំផុត ។
នេះជាហេតុការណ៍គ្រោះថ្នាក់ដ៏សាហាវពុំនឹកស្មានមួយ ដែលបានសម្លាប់មនុស្សក្នុងមួយប៉ព្រិចភ្នែក ដែលត្រូវបានគេគិតថា ទោះបីមានការប្រុងប្រយ័ត្នយ៉ាងណា ក៏គ្មានឱកាសគេចផុតពីគ្រោះថ្នាក់បានឡើយ ព្រោះតែវាលឿនសាហាវពេក ៕ ឧត្តម
