កាលពីពេលថ្មីៗនេះ បុរសម្នាក់ឈ្មោះ Zhang រស់នៅក្នុងខេត្ត Hubei ប្រទេសចិន បានជួបហេតុការណ៍មួយដោយចៃដន្យ និងគួរឲ្យហួសចិត្តយ៉ាងខ្លាំង។ នោះគឺនៅពេលគាត់ហៀបនឹងបើកបង្អួច ដើម្បីទទួលយកខ្យល់អាកាសបរិសុទ្ធ ហើយក្រឡេកទៅកាន់អគារផ្ទះល្វែងទល់មុខ ស្រាប់តែឃើញស្រ្តីម្នាក់កំពុងស្ថិតក្នុងស្ថានភាពគ្រោះថ្នាក់ខ្លាំង ដោយស្ត្រីរូបនោះស្ទើរតែត្រូវព្យួរខ្លួនលើយ៉ ខណៈដៃរបស់នាងតោងនឹងស៊ុមដែក ជើងព្យាយាមទប់មិនឱ្យធ្លាក់។ ស្ត្រីនោះហាក់ដូចជាកំពុងព្យាយាមចុះទៅជាន់ក្រោម ប៉ុន្តែ គម្លាតឆ្ងាយពេក ដែលនាងមិនអាចធ្វើបាន ព្រោះថាប្រសិនធ្វេសប្រហែសតែបន្តិច នាងអាចនឹងធ្លាក់ពីកម្ពស់រាប់សិបម៉ែត្រ ពិបាកនឹងរស់ណាស់។
ឃើញទិដ្ឋភាពនេះ លោក Zhang ពិតជាមានការតក់ស្លុត និងភ័យស្លន់ស្លោជាខ្លាំង។ ដូច្នេះ តើស្ត្រីរូបនេះជានរណា? ហេតុអ្វីបានជានាងឡើងលើយ៉រដ៏គ្រោះថ្នាក់បែបនេះ?។
យោងតាមសារព័ត៌មាន Sohu News ស្ត្រីរូបនេះមានឈ្មោះ Tieu Phong អាយុ ៣៣ ឆ្នាំ មានរូបរាងស្រស់ស្អាត។ ហើយការដែលនាង Phong បង្ហាញខ្លួននៅលើយ៉របែបនេះ គឺដោយសាររឿងស្នេហាលួចលាក់រវាងនាង និងបុរសឈ្មោះ Xia។
នាង Tieu Phong និងលោក Xia បាបស្គាល់គ្នាតាមរយៈបណ្តាញសង្គម។ បន្ទាប់ពីផ្តោះផ្តងស្នេហាគ្នាអស់មួយរយៈ អ្នកទាំងពីរក៏ចាប់ផ្តើមមានអារម្មណ៍ចំពោះគ្នាទៅវិញទៅមក បើទោះជាអ្នកទាំងពីរបានរៀបការសុទ្ធតែមានប្តី មានប្រពន្ធរៀងៗខ្លួនក៏ដោយ។
ដោយសារតែមិនចង់ឱ្យប្តីរបស់ Tieu Phong និងប្រពន្ធ Xia រកឃើញ ទើបគូស្នេហ៍នេះតែងតែប្រយ័ត្នប្រយែងគ្រប់ពេលមានស្នេហាជាមួយគ្នា។ ពិតណាស់ ក្រោយពីបានទាក់ទងគ្នា អារម្មណ៍របស់អ្នកទាំងពីរក៏កាន់តែខ្លាំងឡើង។
នៅថ្ងៃកើតហេតុ ប្រពន្ធរបស់លោក Xia បាននិយាយថា នាងចេញទៅធ្វើការ ហើយនឹងមកផ្ទះយឺត មិនដូចសព្វដងនោះទេ។ ឆ្លៀតក្នុងឱកាសនោះ លោក Xia ក៏បានហៅនាង Phong មកផ្ទះ ដើម្បីណាត់ជួបគ្នា។ តែអ្វីដែលមិននឹកស្មានដល់នោះ គឺខណៈពេលដែលអ្នកទាំងពីរកំពុងរួមរ័ក្សយ៉ាងមានក្តីសុខ ស្រាប់តែប្រពន្ធរបស់ Xia បានត្រលប់មកផ្ទះវិញលឿនជាងការគ្រោងទុក។ ដោយមិនមានការប្រុងប្រយ័ត្នទុកជាមុន ខណៈឮប្រពន្ធគោះទ្វារ លោក Xia មានអារម្មណ៍តក់ស្លុត និងអន្ទះសាជាខ្លាំង ព្រោះដឹងថា បើប្រពន្ធដឹងរឿងស្នេហាលួចលាក់នេះ នោះប្រាកដជាមានផលវិបាកមិនអាចទាយទុកមុនបានទេ។ ដោយគ្មានជម្រើសផ្សេង លោក Xia ត្រូវសុំឲ្យនាង Phong លាក់ខ្លួននៅលើយ៉រប៉ុណ្ណោះអាសន្នសិន។
នាង Phong ក៏ភ័យខ្លាចថាការលាតត្រដាងនៃចំណងស្នេហា នឹងធ្វើឲ្យប៉ះពាល់ដល់អាយុជីវិតប្តីប្រពន្ធរបស់ខ្លួនដែរ ដូច្នេះហើយ នាងក៏ប្រញាប់ឡើងទៅលើយ៉រ ទោះបីមានគ្រោះថ្នាក់យ៉ាងណាក៏ដោយ។ ទោះជាយ៉ាងណា នាង Phong បានជាប់គាំងដោយសារនាងមិនអាចឡើងចុះទៅកន្លែងណាផ្សេងបាន។ ដោយឃើញស្ត្រីរូបនេះកំពុងប្រឈមគ្រោះថ្នាក់ពីលើកម្ពស់រាប់សិបម៉ែត្របែបនេះ លោក Zhang ដែលរស់នៅក្នុងអគារទល់មុខគ្នា បានទូរស័ព្ទហៅប៉ូលីសមកជួយភ្លាមៗ។
ពេលប៉ូលិសមកដល់ ក៏បានប្រាប់ឲ្យនាង Phong ស៊ូទ្រាំនៅកន្លែងនោះ ដើម្បីរង់ចាំការសង្គ្រោះ។ ទីបំផុត នាង Phong ត្រូវបានជួយសង្គ្រោះដោយជោគជ័យ ដោយមិនមានរបួសអ្វីធ្ងន់ធ្ងរនោះទេ ហើយចំណងស្នេហ៍លួចលាក់រវាងនាង និងលោក Xia ក៏ត្រូវបានលាតត្រដាងតែម្តង។
គេបានដឹងថា ក្រោយមក ប្រពន្ធរបស់លោក Xia ដែលផ្ទុះកំហឹងខ្លាំង ក៏បាននិយាយការពិតទាំងអស់នេះទៅប្តីរបស់នាង Tieu Phong ហើយបុរសជាប្តីនោះមិនអាចទទួលយកការសុំត្រូវរ៉ូវគ្នាវិញបានទេ ដោយគាត់បានប្តឹងលែងលះជាមួយនាង Tieu Phong ភ្លាមៗផងដែរ៕ រក្សាសិទ្ធិដោយ៖ លឹម ហុង
