រូបភាពថ្មីប្លែកដ៏មិននឹកស្មានដល់១សន្លឹក បានកំពុងរីករាលល្បីល្បាញ នៅលើបណ្តាញសង្គមថៃ ដែលបង្ហាញឲ្យឃើញ «លទ្ធផលការងារ» តំឡើងម៉ាស៊ីនត្រជាក់ របស់ជាងម៉ាស៊ីនត្រជាក់បែរជាបែបនេះ ខណៈម្ចាស់ផ្ទះបានត្រឹមហួសចិត្តជាខ្លាំង។
នេះបើតាមគណនីហ្វេសប៊ុកឈ្មោះ Perfect Rider នៅថ្ងៃទី១៦ ខែសីហា ឆ្នាំ២០២៣ បានបង្ហោះរូបភាព១សន្លឹក និងប្រាប់ឲ្យគ្រប់គ្នាបានដឹងថា «ដំឡើងម៉ាស៊ីនត្រជាក់ថ្មីនៅផ្ទះ ម្ចាស់ផ្ទះប្រាប់ជាងថា សុំដាក់បំពង់ត្រជាក់បង្កប់ក្នុងជញ្ជាំង។ មានឯណា ជាងរៀបចំឲ្យម៉ាសិត រួចទៅផ្ទះបាត់ ឥឡូវលទ្ធផលគឺបែបនេះ…»។
ក្រោយពីបានឃើញបែបនេះ អ្នកលេងបណ្តាញសង្គមជាច្រើន នាំគ្នាភ្ញាក់ផ្អើល និងបញ្ចេញមតិទាំងហួសចិត្តថា៖ «នេះបានហៅថាស្នាដៃពិតៗ ជាងធម្មតាមិនអាចធ្វើបានទេ!, តើអ្នកប្រញាប់មែនទេ? ឆាប់មកជួសជុលជញ្ជាំងផ្ទះគេឲ្យស្អាតឡើងវិញផង, ខ្ញុំពិតជាចង់បានលេខជាងម៉ាស៊ីនត្រជាក់ណាស់ បច្ចេកទេស រចនាបទថ្មីចែសតែម្តង,…»៕ រក្សាសិទ្ធិដោយ៖ លឹម ហុង
