វីដេអូនៃហេតុការណ៍គ្រោះថ្នាក់ចរាចរណ៍មួយ ដែលកំពុងរីករាលដាល បានធ្វើឲ្យអ្នកនិយមលេងអ៊ិនធើរណែត ផ្ទុះការភ្ញាក់ផ្អើល និងអស់សំណើចជាខ្លាំង ចំពោះលទ្ធផល «ស្លៀកខ្ចី» ដែលធ្វើឲ្យស្រីស្អាតម្នាក់ ស្រែកយំយ៉ាងឈឺចាប់ បន្ទាប់ធ្លាក់ពីលើម៉ូតូមិត្តប្រុសរបស់នាង ត្រូវ «ឆេះ» គូទនឹងថ្នល់កៅស៊ូយ៉ាងដំណំ។
យ៉ាងណាមិញ ករណីជិះធ្លាក់ម៉ូតូដ៏ហួសចិត្តនេះ ត្រូវបានអ្នកលេងបណ្តាញសង្គមម្នាក់ បានបញ្ជាក់ប្រាប់ឲ្យដឹងថា ហេតុការណ៍នេះបានកើតឡើងនៅចំណុចជើងភ្នំមួយកន្លែង ស្ថិតក្នុងទីក្រុង Jiaoxi ស្រុក Yilin កាលពីខែមេសា ឆ្នាំមុន ប៉ុន្តែ វីដេអូត្រូវបានទទួលការចាប់អារម្មណ៍ម្តងទៀត។ ស្រីស្អាតរូបនោះដែលស្ថិតក្នុងសម្លៀកបំពាក់អាវយឺតពណ៌ស និងស្លៀកខោខូវប៊យខើចខ្ចី ត្រូវបានដឹងថាមានឈ្មោះ Zhengmei បានធ្លាក់ពីលើម៉ូតូធំមិត្តប្រុសរបស់នាង ខណៈកំពុងធ្វើដំណើរស្របជើងភ្នំ។
វីដេអូដែលត្រូវបានកត់ត្រា ដោយអ្នកជិះខាងក្រោយ បានបង្ហាញ Zengmei ស្រាប់តែធ្លាក់ពីលើម៉ូតូក្ឌុកតែម្តង ហើយជាលទ្ធផល គូទដ៏ស្រស់ស្អាតរបស់នាង ក៏លេចចេញស្នាមជាំ និងប្រឡាក់ឈាម ដែលឃើញហើយទប់សំណើចមិនជាប់នោះទេ។
ទោះជាយ៉ាងណា ភ្លាមៗនោះ ស្រីស្អាតរូបនេះ បានព្យាយាមបិទបាំងការលេចធ្លាយតំបន់កេរ្តិ៍ខ្មាស ហើយស្រែកថ្នូរទៅកាន់បុរសម្នាក់ ដែលឈប់ម៉ូតូមកជួយថា៖ «កុំមកប៉ះខ្ញុំ អូយយូយ ឈឺខ្លាំងណាស់» ខណៈអ្នកខ្លះទៀត ក៏បានប្រាប់បុរសនោះថា កុំប៉ះពាល់នាង ដើម្បីកុំឲ្យមានរបួសធ្ងន់ធ្ងរជាងនេះ។
វីដេអូនេះ បានទាក់ទាញអ្នកនិយមលេងអ៊ីនធើរណេត នាំគ្នាបញ្ចេញមតិសើចចំអកថា៖ «សរសើរមូកសុវត្ថិភាព អាចការពារក្បាលអ្នក តែខោខើចខ្លី មិនអាចការពារ គូទ និងថ្នល់ បានទេ, ប្រសិនស្លៀកខោវែង ប្រហែលជួយកាត់បន្ថយ «ឆេះ» បានខ្លះ, ចប់ហើយ បែបនេះអាចស្លាកស្នាមមួយជីវិត គូទស្វាភ្នំជាគ្នាហើយ…»៕ រក្សាសិទ្ធិដោយ៖ លឹម ហុង
