កាលពីពេលកន្លងទៅថ្មីៗនេះ អ្នកលេងបណ្តាញសង្គម ពិតជាមានការភ្ញាក់ផ្អើល និងគួរឲ្យហួសចិត្តយ៉ាងខ្លាំង បន្ទាប់ពីបានឃើញទង្វើដ៏គួរឲ្យស្អប់ របស់បុរសរោគចិត្តម្នាក់ ដែលបានលួចថតស្រីស្អាត ខណៈពេលនាងចូលប្រើប្រាស់បង្គន់សាធារណៈ។
បើតាមអ្នកបង្ហោះវីដេអូ ដែលត្រូវបានយកចេញពីកាមេរ៉ាសុវត្ថិភាព បានបញ្ជាក់ប្រាប់ឲ្យដឹងថា ហេតុការណ៍នេះបានកើតឡើងនៅកន្លែងដើរលេងកម្សាន្តមួយកន្លែង នៅក្នុងប្រទេសវៀតណាម កាលពីថ្ងៃទី២២ ខែមិថុនា ឆ្នាំ២០២៣។
តាមរយៈវីដេអូបានបង្ហាញទិដ្ឋភាពនារី២នាក់ ចូលប្រើប្រាស់បង្គន់ម្នាក់ម្តង។ ខណៈពេលនោះ គេក៏បានឃើញនារីរាងធាត់ស្លៀកខោខ្លី បានចេញពីបង្គន់ ហើយស្រីស្អាតម្នាក់ទៀត ក៏បានចូលបន្ទាប់។ តែអ្វីដែលមិននឹកស្មានដល់ គឺភ្លាមៗនោះ ស្រាប់តែបុរសម្នាក់បានបង្ហាញខ្លួន និងដើរលបៗទៅខាងក្រោយបង្គន់ ដើម្បីលួចថតតែម្តង។ បន្ទាប់ពីថតរួចរាល់ បុរសរូបនេះក៏បានរត់ចេញវិញ ដោយគ្មានបង្កការរំខានដល់អ្នកមកលេងនៅទីនោះឡើយ។
ទាក់ទងនឹងករណីដ៏ហួសចិត្តនេះ អ្នកលេងបណ្តាញសង្គមម្នាក់ ក៏បានប្រាប់រឿងរ៉ាវដ៏គួរឲ្យអស់សំណើចថា៖ «មើលឃ្លីបនេះហើយ នឹកដល់កាលនៅរៀនវិទ្យាល័យ។ កាលនោះ អត់មានកាមេរ៉ាដូចឥឡូវទេ ប៉ុន្តែយើងបានប្រទះឃើញបុរសម្នាក់ឡើងដើមឈើក្បែរបង្គន់ស្ត្រី ដោយអង្គុយមើលបង្គន់គ្មានដំបូលពីខាងលើ។ ដូច្នេះក្រុមសិស្សសាលាបានចេញមកកាន់ដំបង។ បុរសរូបនោះបានអង្វរ ប៉ុន្តែ អ្វីដែលមិននឹកស្មានដល់នោះ គឺថាស្រាប់តែបុរសនោះ ធ្លាក់ពីចុះពីដើមឈើមកដី ធ្វើឲ្យក្រុមទាំងនោះក៏រត់គេចខ្លួនបាត់ ព្រោះភ័យខ្លាចត្រូវបានចោទករណីឃាតកម្ម»៕ រក្សាសិទ្ធិដោយ៖ លឹម ហុង
