បង្កើតកូននិងថែទាំកូន អាចធ្វើឲ្យកោសិកាស្ត្រីចាស់ទៅ ១១ ឆ្នាំ ប្រៀបនឹងកម្រិតធម្មតា ។ ពួកជំនាញការជឿថា បាតុភូតនេះកើតឡើងដោយសារសម្ពាធរបស់ការមានគភ៌ និងចិញ្ចឹមកូន ។
ការស្រាវជ្រាវរកឃើញថា ការបង្កើតកូន ឍនឹងធ្វើឲ្យ telomere (កំណាត់តូចចុងក្រោយរបស់ក្រូម៉ូសូម) រួញខ្លី ។ Telomere វែងជាងជាសញ្ញាបង្ហាញថា ដំណើរការចំណាស់របស់កោសិកានឹងប្រព្រឹត្តទៅយឺតជាង, អាយុវែងជាង និងសុខភាពទូទៅល្អជាង ។
របៀបរស់នៅមិនត្រឹមត្រូវ ដូចជាជក់បារី, ទទួលទានស្រា ឬធាត់ នឹងធ្វើឲ្យ telomere រួញខ្លីមកវិញ ។
ក្នុងការស្រាវជ្រាវរបស់ពួកអ្នកវិទ្យាសាស្ត្រអាមេរិកលើស្ត្រីជាង ១៥០០ នាក់ មានអាយុពី ២២ ទៅ ៤៤ ឆ្នាំ បង្ហាញថា ស្ត្រីដែលមានកូនអាចធ្វើឲ្យ telomere ខ្លីមកវិញ ៤,២% ។ អត្រានេះប្រហាក់ប្រហែលនឹង ១១ ឆ្នាំ ។
ប៉ុន្តែ ពួកអ្នកវិទ្យាសាស្ត្រមិនផ្តល់ដំបូន្មានស្ត្រីមិនគួរបង្កើតកូន ព្រោះផលប្រយោជន៍និងគ្រោះថ្នាក់ របស់ការសម្រាលកូន ចំពោះសុខភាពស្ត្រីបច្ចុប្បន្ន នៅតែជាប្រធានបទឈ្លោះប្រកែកលើពិភពលោក។
បុរសទាំងឡាយចូរចងចាំថា៖ ពិភពលោកនេះទៅជាយ៉ាងណាប្រសិនបើនារីៗពុំក្លាហានទទួលយកនូវហានិភ័យនេះ៕
លីសា
