តំបន់ទេសភាព Shiniuzhai ក្នុងខេត្តហ៊ូណាន ប្រទេសចិន គឺជាកន្លែងហាងងាយស្រួលបំផុត ក្នុងពិភពលោក។ យោងតាម Oddity Central បានឲ្យដឹងថា ហាងងាយស្រួលនេះ គឺជាខ្ទមឈើតូចមួយដែលមានទីតាំងនៅចំហៀងនៃច្រាំងថ្មចោទដែលមានកម្ពស់ ១២០ ម៉ែត្រពីលើដី។ កន្លែងនេះធ្លាប់ជាកន្លែងសម្រាកសម្រាប់ភ្ញៀវទេសចរពេលឡើងភ្នំ។ ទោះជាយ៉ាងណាក៏ដោយ កាលពីប៉ុន្មានឆ្នាំមុន កន្លែងឈប់សម្រាកនេះត្រូវបានបំប្លែងទៅជាហាងងាយស្រួលពិសេស សម្រាប់ផ្តល់ទឹកដោយឥតគិតថ្លៃ ដល់អ្នកធ្វើដំណើរដែលមានដបទឹកផ្ទាល់ខ្លួន លក់នំលោកខែ ភេសជ្ជៈ និងទឹកផ្លែឈើ ក្នុងតម្លៃម្លៃសមរម្យ។
ហាងងាយស្រួលនេះមានទីតាំងនៅជាប់ផ្លូវឡើងភ្នំ។ ដើម្បីទទួលបទពិសោធន៍សេវាកម្មនៅទីនេះ អតិថិជនត្រូវតែឡើងលើច្រាំងថ្មចោទខ្ពស់ដែលបំពាក់ដោយដៃដែក ជណ្ដើរខ្សែពួរ និងខ្សែថេរ។ ហាងនេះក៏អាចស្នាក់នៅបានតែមនុស្សម្នាក់ប៉ុណ្ណោះ។
ថ្វីត្បិតតែបើកដំណើរការអស់រយៈពេលជាច្រើនឆ្នាំក៏ដោយ ប៉ុន្តែហាងទំនិញដ៏ចម្លែកមួយនេះ ថ្មីៗនេះបានផ្ទុះឡើង បន្ទាប់ពីវីដេអូបានផ្សព្វផ្សាយយ៉ាងទូលំទូលាយនៅលើបណ្តាញសង្គម។ ក្នុងអំឡុងពិធីបុណ្យពាក់កណ្តាលរដូវស្លឹកឈើជ្រុះ និងថ្ងៃបុណ្យជាតិ ហាងងាយស្រួលនេះមានភាពមមាញឹកខ្លាំង ជាមួយនឹងអតិថិជនជាច្រើន។ ភ្ញៀវអាចឈប់ដើម្បីបញ្ចូលថ្ម និងទទួលបានបទពិសោធន៍សេវាកម្មនៅហាងពិសេសនេះផងដែរ។
បុគ្គលិកផ្នែកលក់បាននិយាយថា ការងារប្រចាំថ្ងៃរបស់ពួកគេគឺលក់ និងបំពេញទំនិញដែលលក់អស់ មុនព្រឹកព្រលឹម ដើម្បីបម្រើអតិថិជននៅពេលថ្ងៃ។ នៅពេលដែលដល់ពេលត្រូវស្តុកវិញ បុគ្គលិកនឹងប្រើខ្សែដើម្បីទាញរបស់របរឡើងពីលើដី។ ដំបូងឡើយ បុគ្គលិកថ្មីទាំងអស់មានការភ័យខ្លាចខ្លាំងណាស់ នៅពេលដែលត្រូវបានគេផ្តល់ការងារនៅទីនេះ។ ប៉ុន្តែពួកគេទាំងអស់គ្នាឆាប់ស៊ាំស្ថានភាពដ៏ស្រៀវស្ញើបនេះ និងធម្មតា។ តែបញ្ហាតែមួយគត់របស់ពួកគេគឺបន្ទប់ទឹក។ រាល់ពេលចង់ប្រើបង្គន់ គឺត្រូវតែឡើងចុះ។ ដូច្នេះហើយ ពួកគេទាំងអស់គ្នាព្យាយាមមិនផឹកទឹកច្រើនពេកទេ»។
ម្នាក់ទៀតបានចែករំលែកថា «អ្នកទិញទំនិញទាំងអស់ សម្តែងការដឹងគុណចំពោះសេវាកម្មនេះ។ ដូច្នេះហើយ យើងមានអារម្មណ៍ថា ការងាររបស់យើងមានអត្ថន័យខ្លាំងណាស់»៕ រក្សាសិទ្ធិដោយ៖ លឹម ហុង
