ភ្នំពេញ ៖ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន ១០លើក(យប់៣លើក) បណ្តាលឲ្យមនុស្សស្លាប់ ៤នាក់(ស្រី២នាក់) រងរបួសធ្ងន់ ៦នាក់(ស្រី១នាក់) រងរបួសស្រាល ១០នាក់ មិនពាក់មួកសុវត្ថិភាពពេលគ្រោះថ្នាក់ ៧នាក់ (យប់២នាក់) ។
យោងតាមរបាយការណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិប្រាប់ថា នៅថ្ងៃទី២៥ ខែកក្កដា ឆ្នាំ២០១៨ ករណីគ្រោះថ្នាក់ចរាចរណ៍ទាំង១០លើកនេះ បានបង្កឲ្យមានការខូចខាតយានយន្តសរុប ១៦គ្រឿង ក្នុងនោះមានម៉ូតូ ១០គ្រឿង រថយន្តធុនតូច ៤គ្រឿង រថយន្តធុនធំ ២គ្រឿង ។មូលហេតុ គឺបណ្តាលមកពីល្បឿន ២លើក(ស្លាប់២នាក់), មិនគោរពសិទ្ធិ ៣លើក(ស្លាប់១នាក់), បត់គ្រោះថ្នាក់ ៣លើក និងកត្តាយាន ២លើក(ស្លាប់១នាក់) ។គ្រោះថ្នាក់នៅលើដងផ្លូវ រួមមាន ផ្លូវជាតិ ៥លើក ផ្លូវខេត្ត ៤លើក និងផ្លូវលំ ១លើក ។ ដោយឡែក យានយន្តដែលបង្កហេតុ រួមមាន ម៉ូតូ ៤លើក រថយន្តតូច ៤លើក និងរថយន្តធំ ២លើក ។ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តបាត់ដំបង ២លើក ស្លាប់១នាក់ របួស២នាក់, ព្រះវិហារ ១លើក ស្លាប់១នាក់(ស្រី), កំពង់ឆ្នាំង ១លើក ស្លាប់១នាក់(ស្រី) របួស១នាក់(ស្រី) និងខេត្តស្វាយរៀង ១លើក ស្លាប់១នាក់ ។
របាយការណ៍គ្រោះថ្នាក់ចរាចរណ៍ផ្លូវគោករយៈពេល២៥នាក់ គិតចាប់ពីថ្ងៃទី១-២៥ ខែកក្កដា ឆ្នាំ២០១៨ កើតឡើងចំនួន ១៨០លើក បណ្តាលឲ្យមនុស្សស្លាប់ ១០៤នាក់ របួសសរុប ២៨៧នាក់ របួសធ្ងន់ ១៦៨នាក់ របួសស្រាល ១១៩នាក់ ៕ ដោយ៖បញ្ញាស័ក្តិ