យោងតាម NetEase News បុរសម្នាក់មកពីគ្រួសារសាមញ្ញមួយនៅក្នុងប្រទេសចិន បានលង់ស្នេហ៍ និងរៀបការជាមួយនារីជាកូនអ្នកមានម្នាក់។ ពេលអ្នកទាំងពីរនៅតែស្រលាញ់គ្នា នារីរូបនោះបាននិយាយថា គាត់នឹងមិនត្រូវរងសម្ពាធក្នុងការទិញផ្ទះ ឬបង់ថ្លៃមង្គលការឡើយ។ នាងគ្រាន់តែចង់រៀបការជាមួយប្តីដែលស្លូតបូត និងសាមញ្ញ។ ចំណែកលុយកាក់ និងហិរញ្ញវត្ថុ ក៏មិនជាបញ្ហាចោទសម្រាប់នាងដែរ។
នៅក្នុងយុគសម័យដែលគូស្វាមីភរិយាជាច្រើន នៅក្នុងប្រទេសចិន កំពុងប្រឈមមុខនឹងការលំបាក ដោយសារតែតម្លៃកូនក្រមុំខ្ពស់ ឬតម្លៃអាពាហ៍ពិពាហ៍ នោះភាព «ធូររលុង» បែបនេះរបស់នាងគឺពិតជា “រំភើប” ណាស់។ ដោយសារតែនារីម្នាក់នេះមកពីគ្រួសារអ្នក ហើយនាងក៏មិនខ្វល់ខ្វាយរឿងហិរញ្ញវត្ថុឡើយ ដូច្នេះហើយ បុរសនោះយល់ព្រមរៀបការ។
ទោះបីជាយ៉ាងណាក៏ដោយ ក្រោយមក បុរសនោះបានរកឃើញថា គាត់ដូចជាអ្នកខាងក្រៅនៅក្នុងគ្រួសាររបស់ប្រពន្ធអ៊ីចឹង។ នោះក៏ព្រោះតែម្តាយក្មេករបស់គាត់មានអាកប្បកិរិយាមិនល្អខ្លាំងចំពោះគាត់ សូម្បីតែនៅដាច់ដោយឡែកពីគេក៏ដោយ។
ក្នុងនាមជាកូនប្រសា ធ្លាប់ត្រូវម្តាយក្មេកស្តីបន្ទោសចោទប្រកាន់ថា «មិនធ្វើកិច្ចការផ្ទះសោះ»! មានពេលមួយខឹងខ្លាំងពេក គាត់ក៏បានឈ្លោះជាមួយម្តាយក្មេក ហើយគាត់ក៏ត្រូវបានម្តាយក្មេកបណ្តេញចេញពីផ្ទះ។ ដោយខឹងខ្លាំងពេក ក៏ចាប់យកកាបូបចាកចេញទៅ។
ពេលមកដល់ផ្ទះឃើញប្រពន្ធរត់តាមក្រោយ គាត់បានគិតថា នាងប្រហែលជាមានបំណងចង់ដោះស្រាយ ប៉ុន្តែនឹកស្មានមិនដល់ប្រពន្ធរត់ទៅសុំឆែកកាបូបក្នុងដៃប្តី ដោយខ្លាចក្រែងប្តីចាកចេញយកមកជាមួយទាំងគ្រឿងអលង្ការ លុយ និងទ្រព្យសម្បត្តិផ្សេងទៀត ដូច្នេះហើយ ត្រូវចេញទៅពិនិត្យដោយប្រយ័ត្នប្រយែងបែបនេះ។
បុរសនោះមានអារម្មណ៍ខូចចិត្ត និងស្តាយក្រោយយ៉ាងខ្លាំង ព្រោះមិននឹកស្មានថា រៀបការជាមួយប្រពន្ធអ្នកមាន បែរជាជីវិតគ្មានភាពសុខសាន្តបែបនេះ។
យ៉ាងណាមិញ ពេលរឿងនេះត្រូវបានគេផ្សព្វផ្សាយ មានមនុស្សជាច្រើនបានបញ្ចេញមតិខុសៗគ្នា។ មនុស្សមួយចំនួនគិតថា នេះជាមេរៀនដ៏អស្ចារ្យសម្រាប់ទាំងអស់គ្នា។ ខណៈអ្នកដទៃទៀតបានលើកឡើងថា «ពេលស្រលាញ់គ្នា អ្វីៗស្រស់បំព្រងណាស់ ប៉ុន្តែពេលរៀបការរួច ការពិតគឺបែបនេះ, មានតែមនុស្សពីរនាក់ដែលមានប្រវត្តិគ្រួសារដូចគ្នា បំណងដូចគ្នា និងចក្ខុវិស័យដូចគ្នាទេ ដែលអាចរួមរស់នៅជាមួយគ្នាដោយសន្តិវិធី និងអាចរក្សាទំនាក់ទំនងដ៏ល្អយូរអង្វែង។ ម្យ៉ាងទៀត ទំនាក់ទំនងក្រោយរៀបការ មិនថាការងារក្នុង និងក្រៅប្រទេស បើមិនមានជំនាញទេ ក៏នឹងក្លាយជាបញ្ហាធំដែរ។ ដូច្នេះ កុំគិតថាមានតែស្នេហាគ្រប់គ្រាន់នោះ៕ រក្សាសិទ្ធិដោយ៖ លឹម ហុង
