ការសិក្សាស្រាវជ្រាវធំមួយ ដោយក្រុមអ្នកវិទ្យាសាស្ត្រអន្តរជាតិលើមុខសញ្ញាជាមនុស្សពេញវ័យនៅជប៉ុន បង្ហាញថា ការរក្សាបរិមាណវីតាមីន D ខ្ពស់ ក្នុងសរីរាង្គអាចជួយបន្ថយហានិភ័យកើតជំងឺមហារីកច្រើនប្រភេទ ក្នុងនោះរួមមានមហារីកថ្លើម ។
វីតាមីនដ៏សំខាន់នេះ ត្រូវបានទទួលស្គាល់ថាមានប្រយោជន៍សម្រាប់សុខភាពជាច្រើន ដូចជាជួយសរីរាង្គរក្សាកម្រិតកាល់ស្យូម ដើម្បីធានាសុខភាពរបស់ឆ្អឹង ឆ្មេញ និងសាច់ដុំ ។
ក្នុងបណ្តាថ្នាំថ្មីៗនេះ មានភស្តុតាងជាច្រើនក្នុងហានិភ័យស្រាវជ្រាវវេជ្ជសាស្ត្រទទួលស្គាល់ថា វីតាមីន D ក៏អាចជួយប្រឆាំងតបជំងឺរ៉ាំរ៉ៃមួយចំនួន ក្នុងនោះ មានទាំងជំងឺមហារីក ។
វីតាមីន D ក៏អាចជួយទប់ស្កាត់ជំងឺរ៉ាំរ៉ៃមួយចំនួន រួមមានទាំងមហារីក
ក្រុមស្រាវជ្រាវបានវិភាគទិន្នន័យពីការអង្កេតសុខភាពសហគមន៍ធំមួយ នៅជប៉ុន ពាក់ព័ន្ធដល់ក្រុមមនុស្សប្រមាណ ៣៣៧០០ នាក់ មានអាយុពី ៤០ ទៅ ៦៩ ឆ្នាំ ក្នុងរយៈពេល ១៦ ឆ្នាំ ។
លទ្ធផលបង្ហាញថា អ្នកមានកម្រិតវីតាមីន D ក្នុងសរីរាង្គខ្ពស់ នោះហានិភ័យកើតមហារីកបានថយចុះប្រមាណ ២០%, ពិសេសគឺហានិភ័យមហារីកថ្លើមថយចុះពី ៣០ ទៅ ៥០% ។
ប៉ុន្តែ, ហានិភ័យកើតមហារីកសួត និងមហារីកក្រពេញប្រូស្តាតបែរជាពុំមានពាក់ព័ន្ធដល់កម្រិតវីតាមីន D ខ្ពស់ ។
អាហារសម្បូរវីតាមីន D
សរីរាង្គទទួលបានវីតាមីន D សំខាន់ពីការប្រាស្រ័យជាមួយពន្លឺព្រះអាទិត្យ ។ ក្រៅពីនេះ អាហារមួយចំនួនដែលសម្បូរវីតាមីន D រួមមាន៖ ត្រី, ផ្សិត, ទឹកដោះគោស្រស់, តៅហ៊ូ, ហ្វ្រូម៉ា, ស៊ុត, ទឹកសណ្តែក, ថ្លើមគោ, យ៉ាអួ, ធញ្ញជាតិ… ៕ លីសា
