កំពត៖រដ្ឋបាលខេត្តកំពត ចេញសេចក្តីជូនដំណឹងដល់សាធារណជន ពាក់ព័ន្ធវិស័យទេសចរណ៍ អាហារដ្ឋាន និងសេវាកម្មមួយចំនួនក្នុងភូមិសាស្ត្រខេត្តកំពត។
បើតាមសេចក្តីជូនដំណឹងនៅថ្ងៃទី៥ខែតុលា ឆ្នាំ២០២៤នេះរដ្ឋបាលខេត្តកំពតសូមជម្រាបជូនសាធារណជនឱ្យបានជ្រាបថា រដ្ឋបាលខេត្ត ដោយមានមន្ទីរទេសចរណ៍ខេត្ត ជាសេនាធិការបានប្រមូលបញ្ជីរាយមុខសេវាកម្មទេសចរណ៍គ្រប់ ប្រភេទទូទាំងខេត្តកំពតមកតម្កល់នៅមន្ទីរទេសចរណ៍ខេត្ត និងរដ្ឋបាលខេត្ត ដើម្បីរក្សាទុកត្រួតពិនិត្យ ក្នុងករណីមានភាពមិនប្រក្រតីទៅលើតម្លៃនៃការស្នាក់នៅ ហូបចុក មិនថាថ្ងៃមានពិធីបុណ្យទាន ឬថ្ងៃធម្មតា ។
រដ្ឋបាលខេត្ត សូមជម្រាបជូនសាធារណជន និងភ្ញៀវទេសចរដែលអញ្ជើញមកកម្សាន្តនៅ ខេត្តកំពត ឱ្យបានជ្រាបថាប្រសិនបើមានកន្លែងស្នាក់នៅ កន្លែងលក់ម្ហូបអាហារ ក្នុងខេត្តកំពតមាន ការតម្លើងថ្លៃ ដែលបងប្អូនយល់ថាមិនសមស្រប សូមថតឈ្មោះទីតាំង និងតម្លៃនោះចូលមកគេហ ទំព័រយើងខ្ញុំបាន រដ្ឋបាលខេត្ត នឹងធ្វើការត្រួតពិនិត្យជូនភ្លាមៗ ។ ចំពោះបងប្អូនប្រកបសេវាកម្ម លក់ម្ហូបអាហារ និងកន្លែងស្នាក់នៅ សូមចូលរួមអនុវត្តឱ្យបានគ្រប់ៗគ្នា៕ រក្សាសិទ្ធដោយ ៖ សុទ្ធលី
