ភ្នំពេញ ៖ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្តេចសព្វព្រះរាជហឬទ័យប្រទានរង្វាន់ដល់ទូកជ័យលាភី ក្នុងថ្ងៃផ្តាច់ព្រ័ត្រ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាល្ងាចថ្ងៃទី១៦ ខែវិច្ឆិកា ឆ្នាំ២០២៤ នៅមុខព្រះបរមរាជវាំង រាជធានីភ្នំពេញ។
លទ្ធផលសរុប នៃការប្រណាំងទូកក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក បន្ទាប់ពីបើកការប្រកួតប្រជែងអស់រយៈពេល០៣ថ្ងៃ ពោលពីថ្ងៃទី ១៤,១៥ និង១៦ ខែវិច្ឆិកា ឆ្នាំ២០២៤ ចំណាត់ថ្នាក់លេខ១ បានទៅទូកមកពីខេត្តពោធិ៍សាត់ តេជោកែវវិជ័យបារមីចៅសែន ខណៈលេខ២ បានទៅសារាយតេជោសែនជ័យ មកពីខេត្តកណ្តាល និងលេខ៣ ទូកមកពីខេត្តព្រះវិហារ កោះកេរធិបតី៕ រក្សាសិទ្ធដោយ ៖ សុទ្ធលី
