កំពង់ឆ្នាំង ៖ បុរសម្នាក់ត្រូវបានកម្លាំងអាវុធហត្ថចាប់ខ្លួនពីបទជួញដូរគ្រឿងញៀន។ ការបង្ក្រាបនេះធ្វើឡើងកាលពីថ្ងៃទី២៤ ខែវិច្ឆិកា ឆ្នាំ២០១៧ នៅចំណុច វត្តត្រពាំងទឹកត្រជាក់ ស្ថិតក្នុងភូមិអូរតាសេក ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង ។
ជនសង្ស័យដែលត្រូវសមត្ថកិច្ចចាប់ខ្លួននេះឈ្មោះ មាន រ៉ាវី ភេទ ប្រុស អាយុ ២៧ឆ្នាំ មានទីលំនៅក្នុងភូមិព្រៃតាយឹង ឃុំប្រសូត្រ ស្រុកស្វាយទាប ខេត្តស្វាយរៀង ។
ក្នុងពេលឃាត់ខ្លួនជនសង្ស័យសមត្ថកិច្ចដកហូតបាន ម៉ូតូ១ គ្រឿង ម៉ាក Click ពណ៏ក្រហម ពាក់ស្លាកលេខ ភ្នំពេញ 1FK 4638 ។ ម្សៅក្រាមពណ៌ស (ម៉ាទឹកកក) ចំនួន១កញ្ចប់ធំ និង ១៣កញ្ចប់តូច ជញ្ជីងថ្លឹងថ្នាំចំនួន១។ បច្ចុប្បន្នជនសង្ស័យនិងវត្ថុតាងការិយាល័យជំនាយកំពុងសាកសួរកសាងសំណុំរឿង អនុវត្តតាមនិតិវិធី ៕ ដោយ៖ចៅ សន
