កំពង់ស្ពឺ ៖ មុខសញ្ញាសង្ស័យប្រព្រឹត្តបទល្មើសជួញដូរសារធាតុញៀនខុសច្បាប់ ម្នាក់ ត្រូវបាននគរបាលស្រាវជ្រាវបង្ក្រាបដកហូតវត្ថុតាងថ្នាំញៀនមួយចំនួន។
ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា កម្លាំងនគរបាលស្រុកសំរោងទង លោកវរសេនីយ៍ឯក ឃុត សុផល អធិការនគរបាលស្រុក ដឹកនាំប្រតិបត្ដិការស្រាវជ្រាវ បង្ក្រាបមុខសញ្ញាសង្ស័យជួញដូរសារធាតុញៀនខុសច្បាប់ ម្នាក់ក្រោយទទួល បានព័ត៌មានពីកំលាំងភ្នាក់ងារ កាលពីវេលាម៉ោង ១២ ថ្ងៃទី ១៩ ខែកញ្ញា ឆ្នាំ២០១៨ នៅចំណុច ក្នុងភូមិបាក់ចិញ្ជៀន ឃុំត្រពាំងគង ឈ្មោះ គុច ចាន់ណាម ភេទ ប្រុស អាយុ ២៣ឆ្នាំ មានទីលំនៅភូមិលំពែងព្រះរាម ឃុំត្រពាំងគង ស្រុកសំរោងទង មុខរបរ មិនពិតប្រាកដ ក្នុងប្រតិបត្តិការសមត្ថកិច្ចដកហូតបានវត្ថុតាងជាគ្រឿងញៀនប្រភេទម៉ាទឹកកក ១១កញ្ចប់ , ម៉ូតូ ១ គ្រឿង និងទូរស័ព្ទដៃ ១ គ្រឿង។
បច្ចុប្បន្នជនសង្ស័យរួមជាមួយវត្ថុតាងស្រុកបានកសាងសំណុំរឿងបញ្ជូនទៅការិយាល័យជំនាញខេត្ដ ចាត់ការតាមនីតិវិធី៕ ដោយ ៖ បញ្ញាស័ក្តិ
