ខេត្តព្រះសីហនុ ៖ សមត្ថកិច្ចនគរបាលចរាចរណ៍ផ្លូវ ស្រុកព្រៃនប់ ខេត្តព្រះសីហនុ បានឲ្យដឹងថា មានគ្រោះថ្នាក់ចរាចរណ៍មួយករណីកើតឡើង រវាងរថយន្តកុងតឺន័រ បុកជាមួយរថយន្តដឹកអេតចាយ នៅតាមផ្លូវជាតិលេខ៤ ត្រង់ចំណុចហួសស្ពានទឹកសាប ក្នុងភូមិសាស្ត្រ ឃុំអូរឧកញ៉ាហេង ស្រុកព្រៃនប់ កាលពីវេលាម៉ោង ៤កន្លះល្ងាចថ្ងៃទី២១កញ្ញា២០១៨នេះ បណ្តាលអោយភាគីខាងរថយន្តដឹកអេតចាយរងរបួសមនុស្សចំនួន៣នាក់។
គ្រោះថ្នាក់នេះ សមត្ថកិច្ចកំពុងអន្តរាគមន៍ និងបន្តដោះស្រាយតាមនីតិវិធី។ យ៉ាងនេះក្តីភ្លាមៗ មិនទាន់មានសេចក្តីរាយការណ៍អំពីឈ្មោះ របស់ជនរងគ្រោះ និងភាគីពាក់ព័ន្ធឲ្យបានច្បាស់នៅនៅឡើយទេ។
សមត្ថកិច្ចឲ្យដឹងថា គ្រោះថ្នាក់ខាងលើនេះ កើតឡើងពេលរថយន្តទាំង២គ្រឿង បើកបរក្នុងទិសដៅផ្ទុយគ្នា ដោយរថយន្តកុងតឺន័រមានទិសដៅចេញពីក្រុងព្រះសីហនុ៕ ដោយ៖ ដែន សីមា
