គេហទំព័រ barmacode1ទើបបង្ហោះផ្សាយនូវរូបភាពថ្មីបំផុត នាវា Gepard ទី៤ របស់កងទ័ពជើងទឹកវៀតណាម កំពុងស្ថិតនៅក្នុងនាវាដឹកជញ្ជូន Rolldock Star ។
តាមនោះនាវា Rolldock Star បានត្រៀមបញ្ជូននាវាប្រយុទ្ធ Gepard ទី៤ មកកាន់ប្រទេសវៀតណាម នាវា Gepard នេះក៏ត្រូវបានគេលាបថ្នាំការពារក៏ដូចជារុំយោធភ័ណ្ឌទាំងឡាយនៅទីនោះ សម្រាប់ដឹកជញ្ជូនមកវៀតណាម។
មុននោះកប៉ាល់ Rolldock Star បានដឹកជញ្ជូននាវា Gepard ៣គ្រឿងហើយ មកឲ្យប្រទេសវៀតណាម ដោយ១ជើងៗត្រូវចំណាយពេលដល់ទៅ ១ខែកន្លះឯណោះ។ គួររំលឹកឡើងវិញថា នេះជាលើកទី 5 ហើយ ដែលកប៉ាល់ Rolldox Star រ៉ាប់រងដឹកជញ្ជូនយោធភ័ណ្ឌទំនើបៗ ដែលវៀតណាមទិញពីរុស្ស៊ី។ ការដឹកជញ្ជូន៣លើកដំបូងរបស់កប៉ាល់នេះ គឺដឹកនាវាមុជទឹក ៣គ្រឿង ក្នុងចំណោមនាវាមុជទឹក Kilo ៦គ្រឿង មកឲ្យវៀតណាម។ លើកទី៤ កប៉ាល់នេះ បានដឹកនាវា Gepard ទី៣ ។
និយាយរួមអំឡុងពេលប៉ុន្មានឆ្នាំមកនេះ វៀតណាមបានចុះកិច្ចសន្យាទិញនាវាមុជទឹក Kilo ៦គ្រឿង និងនាវាបំពាក់កាំជ្រួច Gepard ៤ គ្រឿង ពីរុស្ស៊ី ៕
