ក្មេងស្រីជនជាតិភីលីពីន អាយុ ២ឆ្នាំបានឈ្នះការប្រកួតសម្លៀកបំពាក់ Halloween ដ៏គួរឲ្យខ្លាចបំផុត ដែលសម្លៀកបំពាក់នោះមើលទៅហាក់ដូចជានាងតូចនោះកំពុងតែកាន់ក្បាលរបស់ខ្លួនឯងអីចឹង។
ក្មេងស្រី Maya Hwang ស្លៀកសម្លៀកបំពាក់ខ្មោចនោះ កាលពីបុណ្យ Halloween កាលពីពេលថ្មីៗនេះ ហើយវាត្រូវបានច្នៃម៉ូតដោយម្តាយរបស់នាងឈ្មោះ Krystel។
ដោយសារតែសម្លៀកបំពាក់នោះ មើលទៅគួរឲ្យខ្លាចបំផុត វាបានធ្វើឲ្យនាងឈ្នះការប្រកួតសម្លៀកបំពាក់ប្រចាំឆ្នាំ។
ម្តាយក្មេងស្រីនោះបាននិយាយថា គាត់ច្នៃម៉ូតសម្លៀកបំពាក់នោះរយៈពេល ២ថ្ងៃ ដែលធ្វើឲ្យកូនស្រីរបស់គាត់មើលទៅ កំពុងតែកាន់ក្បាលខ្លួនឯងបេះបិត។
នាងតូចគួរឲ្យស្រឡាញ់និងគួរឲ្យខ្លាចផងនោះ បានឈ្នះការប្រកួតនៅសាលារៀនរបស់នាងក្នុងទីក្រុង Paraaaque ប្រទេសភីលីពីន៕ សុភ័ក្ត្រ
ប្រភព៖ mirror