អីក៏សំណាងម្លេះ! ទិញឆ្នោតកោស ៣សន្លឹក ត្រូវទាំង ៣សន្លឹក បានប្រាក់ខ្ទង់លានដុល្លារ

បុរសម្នាក់មកពីរដ្ឋ New Jersey សហរដ្ឋអាមេរិច បានត្រូវរង្វាន់ឆ្នោតកោសដែលមានទឹកប្រាក់ចំនួន ៥លានដុល្លារ ប៉ុន្តែ ទោះជាត្រូវ រង្វាន់ប្រាក់ខ្ទង់លានដុល្លារក្តី សំណាងរបស់គាត់នៅមិនទាន់អស់ទេ ដោយគាត់បានទិញឆ្នោត២សន្លឹកទៀតនៅថ្ងៃតែមួយ ហើយ ក៏ត្រូវរង្វាន់បន្ថែមទៀត។

លោក Robert Stewart មកពីតំបន់ Edgewater បានប្រាប់មន្រ្តីក្រុមហ៊ុនឆ្នោតដូច្នេះថា គាត់បានទិញឆ្នោតកោសមួយសន្លឹកពី Rivermart ហើយក៏បានធ្វើការកោសក្នុងហាងនោះ បន្ទាប់មកគាត់ដឹងថា គាត់ឈ្នះរង្វាន់ធំជាទឹកប្រាក់ ៥លានដុល្លារ ។

លោកបញ្ជាក់ថា បន្ទាប់ពីលោកត្រូវរង្វាន់ អ្នកធ្វើការនៅក្នុង Rivermart បានតេប្រាប់ម្ចាស់ហាង ឲ្យមក កាន់ហាង ដើម្បីអបអរដល់ អ្នក ឈ្នះ។

លោកបន្ថែមថា គាត់មានអារម្មណ៍ថាមានសំណាងណាស់ដោយឈ្នះរង្វាន់ធំ ហើយគាត់ក៏សម្រេចចិត្តទិញឆ្នោតកោស ២សន្លឹក ទៀតនៅពេលល្ងាច ក្នុងថ្ងៃតែមួយ ហើយក៏ត្រូវរង្វាន់ជាប្រាក់ ៥០០ដុល្លា និងមួយសន្លឹកទៀតត្រូវ ១០០ដុល្លារ។

លោក Robert Stewart​ ដែលជាអ្នកចូលចិត្តលេងឆ្នោតកោស បានប្រាប់ថា គាត់ក៏ធ្លាប់ត្រូវប្រាក់រង្វាន់ជាច្រើនដែរកាលពីលើមុនៗ ដោយឈ្នះបាន ២.៥០០ដុល្លារ ៕ សុភ័ក្ត្រ

ប្រភព៖ upi