ឆ្កែមួយក្បាលដែលរពឹស និងចូលចិត្តប្រឡែងលេងច្រើន បានព្យាយាមព្រុសដើម្បីដាស់ជ្រូកដែលកំពុងដេកស្រមុកយ៉ាងមានក្តីសុខ។ 
បន្ទាប់ពីព្រុសដាក់មិនភ្ញាក់ ឆ្កែបានប្រើជើងមុខទាំងពីររបស់វាដើម្បីអង្រួនជ្រូកជាច្រើនដង រហូតទាល់តែជ្រូកភ្ញាក់។
ជ្រូកមានអារម្មណ៍មួម៉ៅដោយសារឆ្កែដាស់ឱ្យភ្ញាក់ បានដេញត្របាក់ឆ្កែគួរឱ្យអស់សំណើច។ វីដេអូឃ្លីបនេះថតបាននៅផ្ទះមួយក្នុងទីក្រុងលីនខុន (Lincoln) រដ្ឋកាលីហ្វ័រញ៉ា សហរដ្ឋអាមេរិក។
វីដេអូឃ្លីបនេះទទួលបានការចាប់អារម្មណ៍យ៉ាងខ្លាំង បន្ទាប់ពីត្រូវបានគេបង្ហោះ។ ជ្រូកនិងឆ្កែនេះជាសត្វដែលម្ចាស់របស់វាចិញ្ចឹមលេងនៅក្នុងផ្ទះ៕ លីសា