ក្រោយពីខាងក្រុមហ៊ុនបានប្រកាសស្វែងរកកាលពីថ្ងៃទី៦ ខែវិច្ឆកា និងក៏ត្រូវបានសារព័ត៌មានក្នុងស្រុកមួយចំនួន បានជួយចុះផ្សាយបន្ត ដើម្បីជូនដំណឹងដល់បេក្ខនារីឈ្មោះ ស្រ៊ន បញ្ញា ឲ្យរូសរាន់មកជួបខាងក្រុមហ៊ុន ព្រោះឈ្មោះរបស់គាត់បានធ្លាក់មកហើយៗ ក៏ជិតដល់ថ្ងៃត្រូវបំពេញបែបបទចេញដំណើរទៅប្រទេសគេផងនោះ ឥឡូវនេះ ដំណឹងដ៏ល្អនេះបានលេចលឺដល់ប្អូនស្រីរួចហើយ ។
ជាមួយលទ្ធផលជួយចែករំលែកតៗគ្នាដ៏គួរឲ្យរីករាយនេះផងដែរ ខាងក្រុមហ៊ុនក៏បានបង្ហោះសារថ្លែងអំណរគុណដល់បងប្អូនទាំងអស់ នៅលើផេកហ្វេសប៊ុករបស់ខ្លួន «MTOSB Cambodia – គណៈកម្មាធិការបណ្តុះបណ្តាល និងបញ្ជូនពលករទៅបរទេស» យ៉ាងដូច្នេះថា៖ «ប្អូនស្រី ស្រ៊ន បញ្ញា (SRORN PHANHA) បានទំនាក់ទំនងមកគណៈកម្មាធិការរួចរាល់ហើយ។ គណៈកម្មាធិការ សូមអរគុណបងប្អូនគ្រប់មជ្ឈដ្ឋានដែលបានជួយចែកចាយបន្ត» ៕ ដោយ៖ ចន្ទី