ក្រោយពីបុរសម្នាក់រស់នៅសិង្ហបុរី ប្រកាសស្វែងរកក្មេងប្រុសដ៏ឆ្លាតគួរឲ្យស្រលាញ់ម្នាក់ ដែលចេះច្រើនភាសាបរទេស ដើម្បីជួយឧបត្ថម្ភដល់ការសិក្សា ក៏ដូចអ្វីៗផ្សេងទៀត ហើយដំណឹងដ៏ត្រេកអរជំនួសនេះ ក៏បានលេចលឺដល់លោក សាយ រតនៈ ពិធីកររូបសង្ហាប្រចាំស្ថានីយ៍ទូរស័ព្ទ CTN និងនារីស្រស់ស្អាតម្នាក់ ប្រកាសស្វែងរកប្អូនប្រុសរូបនេះ ដើម្បីចូលរួមជួយឧបត្ថម្ភផងដែរ ។
ខាងក្រោមនេះ ជាការប្រកាសស្វែងរកជួយឧបត្ថម្ភបន្តរបស់លោក សាយ រតនៈ និងបងស្រីម្នាក់ ដែលបានបង្ហោះនៅលើគណនីហ្វេសប៊ុករបស់ពួកគាត់៖
យ៉ាងណាមិញ ដោយសារតែការប្រកាសស្វែងរកប្អូនប្រុសខាងលើនេះ បានរីករាលដាលយ៉ាងលឿននៅលើបណ្តាញសង្គមហ្វេសប៊ុក ឥឡូវនេះ គណនីហ្វេសប៊ុកម្នាក់ឈ្មោះ Kim Traveller បានបង្ហោះប្រាប់ពីឈ្មោះ និងលេខទូរស័ព្ទរបស់ប្អូនប្រុសរូបនេះថា៖ «ប្អូនប្រុសមានឈ្មោះ សាលី អាយុ ១៤ឆ្នាំ ជាកូនប្រុសច្បងក្នុងចំណោមបងប្អូនបីនាក់ ជាក្មេងប្រុសដែលមិនត្រឹមតែចេះច្រេីនភាសាទេ ហេីយមានចរិកស្លូតបូត សុភាពរាបសារ ចេះគួរសម មានសុជីវធម៍ ភ្ញៀវទេរចរណ៍តែងស្រលាញ់ចូលចិត្តគាត់ណាស់ ។ – ជារៀងរាល់ព្រឹកគាត់តែងលក់ដូរនៅប្រាសាទ តាព្រហ្ម និង ពេលល្ងាចនៅភ្នំបាខែង ហេីយខាងក្រោមជាលេខទំនាក់ទំនងរបស់គាត់ផ្ទាល់ 0974530013 ។» ៕ ដោយ៖ ចន្ទី
