បងប្អូនប្រិយមិត្តជាច្រើន ប្រាកដណាស់បានដឹង នូវរឿងរ៉ាងដ៏សង្វេកចិត្តអាណិតអាសូរយ៉ាងខ្លាំង បន្ទាប់ពីប្អូនស្រីម្នាក់បានបង្ហោះរូបភាពឱបសពប្អូនស្រី និងសាររៀបរាប់សម្រាប់ក្រុមគ្រសារដ៏កំសត់គាត់ បន្ទាប់ពីប្អូនស្រីពៅម្នាក់ស្លាប់ចោល ដោយគ្រាន់តែឲ្យបងប្អូននៅលើបណ្តាញសង្គមហ្វេសប៊ុកបានដឹងប៉ុណ្ណោះ ។
ប៉ុន្តែ ពេលនេះ ដំណឹងដ៏សែនក្តុកក្តួល និងមហាសង្វេករបស់ប្អូនស្រី ដែលមានបងប្រុស៣នាក់សុទ្ធតែសតិមិនគ្រប់ ហើយត្រូវប្អូនស្រីពៅម្នាក់ជាបង្គោលស្លាប់ចោលកាលពីថ្មីៗនេះ ឥឡូវនេះ ត្រូវបានតារាហ្វេសប៊ុកវ័យក្មេង និងពូកែរកស៊ី អ្នកនាង ស្រីអូន មានក្តីអាណិតអាសូរជាពន់ពេកក្រៃ ហៅមកជួប និងផ្តល់ការងារឲ្យធ្វើហើយ ។
តាមរយៈការ Live វីដេអូ បើកបង្ហាញពីទំព័រជីវិតដ៏កំសត់តាំងតូចតស៊ូយ៉ាងលំបាក និងជួបតែទុក្ខឥតល្ហែរហូតទល់ពេលនេះ ប្អូនស្រីឈ្មោះ អំ ស្រីអូន អាយុ ២០ ឆ្នាំ បានរៀបរាប់ទាំងទឹកភ្នែកយ៉ាងដូច្នេះថា៖ នាងបងប្រុស៣នាក់សុទ្ធតែមិនគ្រប់លក្ខណៈ និងបងប្រុសទី២ម្នាក់ទៀត ជាអ្នកញៀនថ្នាំ (ត្រូវបានចាប់ដាក់គុគថ្មីៗនេះ បន្ទាប់បង្កអំពើហិង្សាក្នុងគ្រួសារ) ។ ប្អូនស្រីបន្តឲ្យដឹងទៀតថា ឪពុកម្តាយរបស់នាងបានលែងលះគ្នា តាំងពីនាងមានអាយុ ៨ ឆ្នាំ ម្លេះ ដោយឪពុករបស់នាងបានចាកចេញ ។ ហើយការព្រាត់ប្រាស់គ្នាដែលបន្សល់ទុកម្តាយរបស់នាងជាអ្នកចិញ្ចឹមបីបាច់កូនតូចៗទាំងអស់យ៉ាងលំបាក ដោយដើរលក់ត្រីដូរយកអង្ករហូបបាន១ថ្ងៃៗប៉ុណ្ណោះ ។ ជីវតដ៏វេទនារកទីបំផុតគ្មាននេះ បានបង្ខំរូបនាងត្រូវចាកចេញពីផ្ទះ ទៅធ្វើការជាអ្នករត់តុតាមហាងអាហារ នៅពេលនាងមានអាយុទើបតែ ១៣ ឆ្នាំ ។
នៅពេលមានប្តីៗ វាយធ្វើបាប តាំងពីកូននៅក្នុងពោះ និងសម្រាលកូនរួច ប្តីគ្មានចិត្តអាណិតអាសូរនោះក៏រត់ចោលនាងទៀត ។ ឥឡូវនេះ បើទោះបីនាងបានជួបថ្មីចិត្តល្អយ៉ាងណា ក៏នាងស្ទើរតែពុំចង់រស់នោះទេ ព្រោះតែគ្មានអ្នកណាក្នុងគ្រួសារជួយជាជំហរទៀតក្រៅតែពីរូបនាង បន្ទាប់ពីប្អូនស្រីពៅម្នាក់ដែលជាជំហរទី២ជំនួសនាង ទើបតែបានស្លាប់ចោល ដោយសារគ្រោះថ្នាក់ចរាចរណ៍រថយន្តបុកម៉ូតូយ៉ាងស្រស់ៗបែបនេះ ។
ទោះយ៉ាងណា តាមរយៈការរៀបរាប់ពីជីវិតដ៏ជូរចត់ តាមរយៈការ Live វីដេអូសម្ភាសន៍ពីអ្នកនាងស្រីអូន ឃើញថាមានបងប្អូនសប្បុរសជនទាំងក្នុង និងក្រៅស្រុក ដែលពោរពេញដោយក្តីអាណិតអាសូរ និងសម្តែងនូវទឹកភ្នែកហូរគ្រប់ៗគ្នា ជួយឧបត្ថម្ភយ៉ាងច្រើនផងដែរ ។
ចង់ដឹងថាជីវិតរបស់នាងកំសត់ដល់ថ្នាក់បងស្រី ស្រីអូន ប្រៀបបានទៅនឹងបដាចារឆ្នាំ២០១៨ យ៉ាងណានោះ សូមទស្សនាវីដេអូខាងក្រោម និងឃើញហើយមេត្តាជួយបន្តឧត្ថម្ភដល់គ្រួសារនាងផង៖