ភ្នំពេញ ៖ លោកឱម យ៉ិនទៀង ប្រធានអង្គភាពប្រឆាំងអំពើពុករលួយ បានប្រកាសថា ការប្រកាសទ្រព្យសម្បត្តិ និងបំណុល តាមរបប២ឆ្នាំ ម្តង ក្នុងកាលបរិច្ឆេទ ចាប់ពីថ្ងៃទី១ដលទី៣១ខែមករាឆ្នាំ២០១៩ ហើយក្នុងរយៈ៤ថ្ងៃដំបូង នាយកដ្ឋានប្រកាសទ្រព្យសម្បត្តិ និងបំណុលបានទទួលឯកសារ ប្រកាសទ្រព្យសម្បត្តិនិងបំណុល សរុបចំនួន ៦.៣៣៥ច្បាប់។
បើតាមសេចក្ដីជូនដំណឹង ស្ដីពីលទ្ធផល នៃការទទួលឯកសារប្រកាសទ្រព្យសម្បត្តិ និងបំណុល តាមរបប២ឆ្នាំ សម្រាប់ថ្ងៃទី៤ ខែមករា ឆ្នាំ២០១៩ លោកចេង ប៊ុនឃៀង ប្រធានអគ្គនាយកដ្ឋានប្រកាសទ្រព្យសម្បត្តិនិងបំណុល នៃអង្គភាពប្រឆាំងអំពើពុករលួយ បានឲ្យដឹងថា នៅថ្ងៃសុក្រ ទី៤ ខែមករា ឆ្នាំ២០១៩ នាយកដ្ឋានប្រកាសទ្រព្យសម្បត្តិនិងបំណុល បានទទួលឯកសារប្រកាសទ្រព្យសម្បត្តិនិងបំណុលចំនួន ១.២៦១ច្បាប់។ លោកបន្តថា ក្នុងរយៈពេល៤ថ្ងៃមកនេះ គឺចាប់ពីថ្ងៃទី១ដល់ទី៤មករាឆ្នាំ២០១៩ នាយកដ្ឋាន បានទទួលឯកសារប្រកាសទ្រព្យសម្បត្តិនិងបំណុល សរុបចំនួន ៦.៣៣៥ច្បាប់ ៕ ដោយ ៖ កូឡាប
