បន្ទាយមានជ័យ ៖ លោកអភិបាលថ្មីក្រុងប៉ោយប៉ែតបានព្រមានថា ” ក្រុមហ៊ុនជាច្រើនគេមានបំណងមករកស៊ីវិស័យសម្អាត ប្រមូលសម្រាមនិងអនាម័យនៅក្រុងប៉ោយប៉ែតនេះ។ ដូច្នេះ ក្រុមហ៊ុនសំរាមប៉ោយប៉ែតឃ្លិននឺរ (PoiPet Cleaner co.,Ltd) ត្រូវប្រមូលដឹកជញ្ជូន សម្អាតសំរាមអោយបានសម្រេចជោគជ័យដូចដែលខ្លួនសន្យា ទទួលខុសត្រូវ ។ ពុំនោះទេ អាជ្ញាធរនឹងផ្អាកសិទ្ធិ. ហើយជ្រើសរើសយកក្រុមហ៊ុនថ្មី ដែលសមត្ថភាព លទ្ធភាពពិតប្រាកដ អោយចូលជំនួសជាមិនខាន”។
លោក សាន ស៊ានហូ អភិបាលក្រុងប៉ោយប៉ែតពេលបានឡើងកាន់តំណែងនៅ១-២ថ្ងៃនៃ១០០ថ្ងៃដំបូងនេះ បានដឹកនាំមន្ត្រីអាជ្ញាធរ សមត្ថកិច្ចកងកម្លាំងនិងអ្នកពាក់ព័ន្ធចុះពិនិត្យ វាយតម្លៃនិងចាត់វិធានការលើបញ្ហាសណ្តាប់ធ្នាប់ អាណាធិបតេយ្យនៅសង្កាត់ផ្សារកណ្តាល ដូចជាលើផ្លូវជាតិលេខ៥ម្តុំផ្សារកណ្តាល ប្រព័ន្ធគ្រប់គ្រង ដឹកជញ្ជូន សម្អាតសម្រាមរបស់ក្រុមហ៊ុនប៉ោយប៉ែតឃ្លីន័រ( PoiPet Cleaner) ,ប្រព័ន្ធលូ រីហ្គា ខូចខាត ស្ទះលើបណ្តោយផ្លូវជាតិលេខ៥ , ការចាក់ចោលពាស់វាលនៃសម្រាបនៅផ្លូវស្តង់តាងួន, ការស្ថាបនាផ្លូវបេតុងនៅភូមិប្រជាធម្ម, ការដាក់ប្រព័ន្ធលូនៅភូមិមិត្តភាព ។
លោក និងអភិបាលរង ចៅសង្កាត់រងទី២នៃសង្កាត់ប៉ោយប៉ែត សង្កាត់ផ្សារកណ្តាល កងកម្លាំងនិងមន្ត្រី អ្នកពាក់ព័ន្ធ ក៏ចុះពិនិត្យ ដោះស្រាយបញ្ហាសណ្តាប់ធ្នាប់ របៀបរៀបរយ បរិស្ថានអនាម័យ បាតុភាព ការចតយានយន្ត…នៅម្តុំមុខតំបន់ច្រកទ្វារអន្តរជាតិប៉ោយប៉ែត នៅរង្វង់មូលភូមិក្បាលស្ពាន នាសង្កាត់ប៉ោយប៉ែត។
លោកអភិបាលថ្មីនៃក្រុងប៉ោយប៉ែតប្រាប់អ្នកយកព័ត័មាននាព្រឹកថ្ងៃទី១២ធ្នូថា ៖ សកម្មភាពជាអាទិភាពបន្ទាន់ក្នុងការចូលកាន់តំណែង១០០ថ្ងៃដំបូងៗរបស់លោក រួមមាន : សហការនឹងមន្ត្រី អ្នកពាកព័ន្ធដោយបង្កើតក្រុមជាច្រើនរៀបចំសណ្តាបធ្នាប់ របៀបរៀបរយ សោភ័ណភាព អនាម័យ ការលាងសម្អាតផ្លូវអោយបានសាច់ការ មិនមែនគ្រាន់តែអោយល្អមើលទេ ។ ក្រុមការជួសជុល ស្ថាបនាផ្លូវ លូ ប្រឡាយ ,ក្រុមជួសជុល ស្ថាបនាផ្លូវនិងក្រុមដោះស្រាយបញ្ហាផ្សេងៗទៀត។ ចំពោះការព្រមានស្មើអោយដកសិទ្ធិក្រុមហ៊ុនសំរាមប៉ោយប៉ែតឃ្លីនឺរ. ម្ចាស់និងបុគ្គលិកក្រុមហ៊ុននេះ គេហទំព័រ CEN.COM.KH ពុំអាចទំនាក់ទំនងប្រតិកម្មបាននៅឡើយ។
ចំពោះ អាទិភាពដំបូងៗ លោក សាន ស៊ានហូ និយាយប្រាប់មន្ត្រី ពលរដ្ឋមិងអ្មកសារព៍ត័មានថា: ជំហានបន្ទាន់គឺដឹកនាំការលាងផ្លូវ កាយកើបប្រមូលសម្រាម់ កាយឈូសដីសម្អាត ស្តារលូ ធ្វើ ជួសជុលគម្របលូនិងរីហ្គាដែលខូចខាតឡើងវិញ ។អោយក្រុមហ៊ុនប៉ោយប៉ែតឃ្លីននឺរសម្អាតសម្រាមអោយអស់។ អោយគ្រឿងចក្រសម្រួលផ្លូវដីចំណុចសាលា២ជាន់ (វិទ្យាល័យប៉ោយប៉ែតក្រុង ភូមិបាលីលេយ្យ២ សង្កាត់ប៉ោយប៉ែត)ទៅភូមិព្រៃគប់សង្កាត់ផ្សារកណ្តាល, ផ្លូវបេតុងនិងដីពីបំបែកផ្លូវជាតិលេខ៥ម្តុំស្តង់តាងួន -ការ៉ាអូខេនាគទិព្វ២-ភូមិប្រជាធម្ម-មន្ទីរពេទ្យបង្អែកក្រុងប៉ោយប៉ែតនៅសង្កាត់ផ្សារកណ្តាល។ ជួសជុល សម្រួលផ្លូវតូចៗ និងដោះស្រាយបញ្ហា”ដែលជាសេវាតម្រូវការរបស់ប្រជាពលរដ្ឋ”។ ហើយក៏សម្រុកស្តារឡើងវិញជំនឿរបស់ពលរដ្ឋក្នុងការស្ថាបនាប្រូន្ធលូនិងផ្លូវបេតុងប្រើទុនពលរដ្ឋ១០០ភាគរយ។ត្រូវរៀបការ៉ូការ៉ូឡានិងដុំចីញ្ចើមផ្លូវ ។
ប៉ុន្តែលោកក៏បានព្រមានថា គ្រប់ផ្សារតូចធំត្រូវតែរំដោះឬស្តារទីតាំងផ្ញើកង់ម៉ូតូឡើងវិញ មិនអោយយកចំណីផ្លូវនិងផ្លូវសម្រាប់វតនោះទេ។ ហើយបើម្ចាស់ឬអ្នកវិនិយោគឬ អ្នកម៉ៅភាស៊ីផ្សារឬហាងលក់ដូរនានា មិនអនុវត្តតាមការដាក់កំហិតរបស់អាជ្ញាធរទេនោះ អាជ្ញាធរនឹងធ្វ់របងបិទត្រង់កន្លែងរញ៉េរញ៉ៃ។ ចំពោះម៉ូតូ រ៉ឺម៉ក រទេះ រថយន្តចតអត់សណ្តាប់ធ្នាប់ លោកនឹងទិញរថយន្តសម្រាប់ស្ទូច ដឹកអូសយកចេញ ដោយបារម្ភចំពោះលទ្ធផលនិងប្រសិទ្ធិភាពនៃគម្រោមសកម្មភាពទាំងនេះ លោកសាន ស៊ានហូ បាននិយាយសម្រួលភាពតានតឹងនៃភាពម៉ឺងម៉ាត់ថា ៖ ” ការងារនេះត្រូវអន់រំផ្សព្វផ្សាយ ណែនាំអោយអស់លទ្ធភាពសិន សឹមចាត់ការតឹងជាក្រោយ។ ហើយការអនុវត្តនេះ លោកតែឯងមិនអាចធ្វើអីកើតទេ ចឹងត្រូវតែរួមគ្នាគិតរួមគ្នាធ្វើ ហើយដាច់ខាត់មិនរំលឹកអតីតកាល កំហុស ពោលគឺគ្មននរណាបន្ទោសនរណាទេ?
លោកថែមទាំងអួតអាងថា ៖ ” សកម្មភាពទាំងឡាយក្នុងផែនការរបស់លោក គឺធ្វើអោបានសាច់ការរហូត មិនធ្វើដើម្បីល្អមើល មួយឈុលនោះទេ”។ ទោះយ៉ាងណាទាំងមន្ត្រីស៊ីវិល កងកម្លាំង ពលរដ្ឋនិងភ្ញៀវនានាព្រលយអោយថឹងថា ៖ ការប្តេជ្ញា ការអះអាងនោះរបស់លោក សាន ស៊ានហូ អភិបាលថ្មីនៃក្រុងប៉ែតនេះ អាចបានលទ្ធផលនិងប្រសិទ្ធិភាពតិចតួចណាស់ ត្បិតការនិយាយវាដូចជាស្រួល ប៉ុន្តែដល់អនុវត្តជាក់ស្តែង វាដញចអូសឬស្សីបញ្ច្រាសចុងចឹង ៕ ដោយ ៖ បន្ទាយ
