ខេត្តស្វាយរៀង ៖ លោក ហោ ដារ៉េត និងលោក ហៀង ដារ៉ា អនុប្រធានសាខាកាំកុងត្រូលខេត្តស្វាយរៀង នៅព្រឹកថ្ងៃទី១៣ ខែធ្នូ ឆ្នាំ២០១៧នេះ បានសហការជាមួយមន្ទីរពាណិជ្ជកម្មខេត្តស្វាយរៀង ចុះត្រួតពិនិត្យមុខទំនិញចំណីអាហារការដាក់កាលបរិច្ឆេទផលិតផល និងកាលបរិច្ឆេទផុតកំណត់ប្រើប្រាស់លើសម្បកវេចខ្ចប់ស្រាប់ដែលដាក់តាំងលក់។
លោក ហោ ដារ៉េត អនុប្រធានសាខាកាំកុងត្រូលខេត្តស្វាយរៀង បានមានប្រសាសន៍ឲ្យដឹងថា ៖ ការចុះត្រួតពិនិត្យនៅតាមទីផ្សានាពេលនេះគឺគោលបំណងដើម្បីត្រួតពិនិត្យចំពោះចំណីអាហារដែលបានដាក់តាំងលក់ហើយរមន្ត្រីយើងបានពិនិត្យកាលបរិច្ឆេទផលិតផលនិងកាលបរិច្ឆេទផុតកំណត់ការប្រើប្រាស់ធ្វើយ៉ាងណាមិនឲ្យអាជីវករបន្តដាក់តាំងលក់ចំពោះចំណីអាហារណាដែលហួសសុពលភាពនៃកាផលិតនោះឡើយហើយបើរកឃើញគឺផ្នែកជំនាញនិងធ្វើកំណត់ហេតុដកហូតតែម្តង។
លោកអនុប្រធានសាខាកាំកុងត្រូលបានបន្តទៀតថា៖ក្រៅពីនេះមន្ត្រីយើងកន្លងមកក៏បានធ្លាប់ធ្វើការណែនាំនិងចែកចាយបិទផ្សាយនូវប័ណ្ណសញ្ញាសំគាល់មុខទំនិញផលិតផលដែលខូចគុណភាពដល់ប្រជាពលរដ្ឋ អាជីវករ និងបិទផ្សាយនៅតាមអាគារលក់ទំនិញតាមទីផ្សានានានិងនៅតាមបណ្តាទីកន្លែងសាធារណផ្សេងៗដើម្បីឲ្យអ្នកប្រើប្រាស់និងអ្នកលក់បានយល់ដឹងនូវផលិតផលម្ហូបអាហារវេចខ្ចប់ស្រាប់លក្ខខ័ណ្ឌតម្រូវជាធរមាននៃស្លាកសញ្ញាមានជាអាទិ៍៖ឈ្មោះមុខទំនិញឈ្មោះអាស័យដ្ឋានអ្នកទទួលខុសត្រូវលើផលិតផលប្រភពច្បាស់លាស់បរិមាណទំងន់ចំណុះលេខឡូតិ៍ថ្ងៃផលិតថ្ងៃផុតកំណត់នៃការប្រើប្រាស់គ្រឿងផ្សំអត្រាជាតិអាល់កុលវិធីប្រើប្រាស់លិខិតអនុញ្ញាតរបស់ស្ថាប័នមានសមត្ថកិច្ចមុនដាក់ឲ្យចរាចរស្លាកសញ្ញាសុវត្តិភាព ឬ ស្លាកសញ្ញាស្តង់ដាផ្សេងៗនិងលក្ខខ័ណ្ឌអនាម័យនៃកាដាក់តាំងលក់។ ក្នុងនោះមន្ត្រីកាំកុងត្រូលក៏បានធ្វើការការពិសោធន៍ទៅចេកបំពងដែលសង្ស័យថាមានដាក់ជាតិគីមីតែពុំមានរកឃើញសារធាតុគីមី នោទេនិងបានធ្វើការដកហូតមុខទំំនិញមួយចំនួនដែលហួសកាលបរិច្ឆេទផលិតផលនិងកាលបរិច្ឆេទផុតកំណត់ការប្រើប្រាស់ផង៕វ៉ៃកូ
