ខេត្តស្ទឹងត្រែង ៖ មន្ត្រីរដ្ឋបាលព្រៃឈើម្នាក់ រងការគំរាមកំហែងដោយវិធីបាញ់បោះវាយកម្ទេចរថយន្ត និងប្រើប្រាស់រូបភាពបង្កគ្រោះ
ថ្នាក់ចរាចរ ប្រសិនបើមិនព្រមដោះដូររថយន្តជាមធ្យោបាយបម្រើឲ្យបទល្មើសចំនួន២គ្រឿង ដែលកម្លាំងនគរបាលប្រឆាំងបទល្មើសសេដ្ឋកិច្ច ស្នងការនគរបាលខេត្ត ចាប់កាលពីថ្ងៃទី១៨ មករា ២០១៩កន្លងទៅនៅចំណុចបេងធំភូមិអូរឬស្សីកណ្តាលឃុំអូរឬស្សីកណ្តា
ល ស្រុកសៀមបូក។ ករណីនេះលោក សុខ ស៊ីដា បានដាក់ពាក្យបណ្តឹង ទៅតុលាការពីបទប៉ុនប៉ងមនុស្សឃាត ដោយគ្រោងទុកជាមុន ដើម្បីរក្សាសុវត្ថិភាពផ្ទាល់ខ្លួន ប្រសិនគ្រោះដោយប្រការណាមួយនឹងត្រូវដាក់បន្ទុក ទៅលើឈ្មោះគឹម វុទ្ធី ដែលជាមេឈ្មួញឈើ។
គួរបញ្ជាក់ថា កាលពីថ្ងៃទី១៨ មករា ២០១៩កម្លាំងនគរបាលការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគរបាលខេត្តស្ទឹងត្រែងក្រោមបទបញ្ជាពីអភិបាលខេត្តឲ្យបង្ក្រាបរឹបអូសរថយន្តសាំយ៉ុងចំនួន២គ្រឿង ផ្ទុកឈើកកោះប្រភេទលេខ១ ចំនួន៣៨សន្លឹកស្មើជាង៥ម៉ែត្រគូបត្រីគុណ។ ក្រោយការបង្ក្រាបរឹបអូសវត្ថុតាងបទល្មើសខាងលើក្រោមការសម្របសម្រួល ពីព្រះរាជអាជ្ញាកម្លាំងនគរបាលប្រឆាំងបទល្មើសសេដ្ឋកិច្ច បានប្រគល់ជូនរដ្ឋបាលព្រៃឈើរក្សាទុកជាសម្បត្តិរដ្ឋនៅខណ្ឌរដ្ឋបាលព្រៃឈើ ។ ចំណែករថយន្តជាមធ្យោបាយបម្រើឲ្យបទល្មើសរដ្ឋបាលព្រៃឈើផ្តល់លទ្ធភាពឲ្យម្ចាស់ចូលខ្លួន បង់ផាក់ពិន័យតាមច្បាន់ស្តីពីរដ្ឋបាលព្រៃឈើ។
ក្រោយការចាប់រឹបអូសវត្ថុតាងទាំងនោះ នៅយប់រំលងអធ្រាត្រឈានចូលថ្ងៃទី២៤ មករា ឆ្នាំ២០១៩ ម្ចាស់ឈើនិងជាម្ចាស់រថយន្តបានទូរស័ព្ទទៅគំរា មកំហែងមន្ត្រីរដ្ឋបាលព្រៃឈើដោយប្រើប្រាស់វិធីបាញ់បោះ វាយកម្ទេចរថយន្ត ម៉ាកហាយឡែនឌ័រកម្មសិទ្ធិផ្ទាល់ខ្លួនមន្ត្រីរដ្ឋបាលព្រៃឈើ និងប្រើប្រាស់វិធីបង្កគ្រោះថ្នាក់ចរាចរជាដើម។
លោក សុខ ស៊ីដា មន្ត្រីខណ្ឌរដ្ឋបាលព្រៃឈើខេត្តស្ទឹងត្រែងបានបញ្ជាក់ថា លោកគឹម វុទ្ធី ហៅ ធីកាប៉ូ ភេទប្រុសអាយុ៤៥រស់នៅខេត្តក្រចេះ បានទូរស័ព្ទមកនៅវេលាម៉ោង៣និង៦០នាទីរំលងអធ្រាត្រ ថ្ងៃទី២៤មករា ដោយបានគំរា មកំហែងសម្លាប់ និងមានបំណងបំផ្លាញ នូវរថយន្តរបស់លោក ដោយបញ្ជាក់ថា បើចង់សុខនិងមិនប៉ះពាល់អីនោះ ត្រូវដោះដូរ ជាថ្នូរហ្នឹងរថយន្ត២គ្រឿងដែលក្រុមការងារជំនាញ សហការជាមួយក្រុមចម្រុះចាប់ឃាត់ នៅចំណុចបេងធំ ភូមិ ឃុំអូរឬស្សីកណ្តាលកាលពីថ្ងៃទី១៨មករា២០១៩
កន្លងទៅមកវិញ។
លោក សុខ ស៊ីដា បញ្ជាក់ថា លោកបានដាក់ពាក្យបណ្តឹង ទៅតុលាការពីបទប៉ុនប៉ងមនុស្សឃាត ដោយគ្រោងទុកជាមុន ដើម្បីរក្សា
សុវត្ថិភាពផ្ទាល់ខ្លួន ប្រសិនគ្រោះដោយប្រការណាមួយនឹងត្រូវដាក់បន្ទុក ទៅលើឈ្មោះគឹម វុទ្ធី ហៅធីកាប៉ូនោះតែម្តង៕ ដោយ ៖ រចនា
