ព្រះសីហនុ ៖ បុរសម្នាក់បានបើកម៉ូតូ១គ្រឿងទៅបុកនឹងបង្គោលសុវត្ថិភាព ត្រង់កន្លែងផ្លូវកោងបណ្តាលអោយស្លាប់និងធ្វើអោយឆេះម៉ូតូ១គ្រឿងខូចខាតទាំងស្រុង ហេតុការណ៍កើតឡើងវេលាម៉ោង១១ថ្ងៃត្រង់ ថ្ងៃទី១៤ ខែធ្នូ ឆ្នាំ២០១៧ លើផ្លូវជាតិលេខ4៤ ចន្លោះគីឡូម៉ែត្រ133-134 នៅភូមិសម្តេចតា ឃុំចំការហ្លួង ស្រុកកំពង់សិលា ខេត្តព្រះសីហនុ ។
សមត្ថកិច្ចបានអោយដឹងថា មានករណីគ្រោះថ្នាក់ចរាចរណ៍មួយកើតឡើង បង្កដោយខ្លួនឯង ម៉ូតូ១គ្រឿងម៉ាក KAWASAKI NINJA ពណ៌ខ្មៅ ពាក់ផ្លាកលេខ ភ្នំពេញ1GQ-8784 បើកបរដោយ ឈ្មោះ គឹម សុវណ្ណរិទ្ធ ភេទ ប្រុស អាយុ ២៤ឆ្នាំ មានទីលំនៅភូមិទី6៦ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង មានទិសដៅពីភ្នំពេញ ឆ្ពោះមក ខេត្តព្រះសីហនុ លុះដល់ចំណុចខាងលើ បានបុកនឹងបង្គោលសុវត្ថិភាពផ្លូវកោង ចំនួន២ផ្ទាំង រួចខ្ទាតបោក អ្នកបើកបរ ទៅចិញ្ចើមផ្លូវ ហើយឆេះម៉ូតូខូចខាតទាំងស្រុង។
បច្ចុប្បន្នសមត្ថកិច្ចមូលដ្ឋានបានយកម៉ូតូ១គ្រឿងដែលឆេះនោះមករក្សាទុកនៅអធិការដ្ឋាននគរបាលស្រុកកំពង់សិលា៕
