…កាលពីថ្ងៃទី ៦ ខែមករា ឪពុកម្តាយរបស់ Amanda បានលាចាកលោកជាមួយគ្នា ។ អ្នកស្រីឲ្យដឹងថា ថ្វីត្បិតមានអារម្មណ៍សោកសៅក្តី តែពិតជាស្ងប់ចិត្តណាស់ ដែលក្នុងវ័យ ៩០ឆ្នាំប្លាយ រួមរស់ ៧០ឆ្នាំជាមួយគ្នាឪពុកម្តាយនាងបានបន្តកាន់ដៃគ្នាចាកចេញពីពិភពលោកនេះ… ។
នាងប្រាប់ថា ឪពុកនាងឈ្មោះ Francis Ernest Platell អាយុ ៩២ឆ្នាំ ហើយម្តាយនាង Norma June Platell អាយុ ៩០ឆ្នាំ ។ ម្តាយនាងមានជំងឺបាត់ការចងចាំ ហើយសុខភាពធ្លាក់ចុះពី៣ឆ្នាំមុន ។ ឪពុកខ្ញុំមើលថែទាំគាត់ រហូតដល់សុខភាពចុះខ្សោយដែរ ទើបយកគាត់ទៅផ្ញើនៅមជ្ឈមណ្ឌលមនុស្សចាស់ជរា ។ តែគាត់បន្តទៅសួរសុខទុក្ខស្ទើរាល់ថ្ងៃ ។
មិនយូរប៉ុន្មាន ឪពុកក៏ខ្សោយ ហើយអ្នកស្រីបង្ខំចិត្តយកគាត់ទៅទុកនៅមជ្ឈមណ្ឌលនោះដែរ ។ គាត់បានរៀបចំឲ្យឪពុក និងម្តាយសម្រាកក្នុងបន្ទប់តែមួយ គ្រែនៅក្បែរគ្នា ដែលពួកគាត់តែងលូកដៃកាន់ច្របាច់ដៃគ្នា… ។
នៅថ្ងៃទី ៦ ខែមករា កន្លងមកដង្ហើមរបស់ម្តាយនាងមិនប្រក្រតី ខណៈដែលសុខភាពឪពុកនាងក៏ពុំស្រួល…គ្រូពេទ្យបានមានវត្តមាន ។
ស្មានពុំដល់ថា អ្នកទាំង២កាន់ដៃគ្នាជាប់ហើយបានចាកចេញទៅក្រោយពេលគ្រូពេទ្យ មានវត្តមានប្រមាណ១០នាទីប៉ុណ្ណោះ ។
គិតទៅលើលោកនេះប្រហែលមានតែពួកគាត់ទាំង២ទេ ដែលសម្រេចត្រឹមត្រូវបានតាមពាក្យសម្បថ “ស្រឡាញ់គ្នារហូតដល់ស្លាប់!” ៕
ចន្ទ្រា
