ក្នុងវ័យ ១៣២ឆ្នាំ លោកយាយ Abhidharma កើតនៅថ្ងៃទី ២៥/៦/១៨៨៦ នាខេត្តស៊ីជាំង ប្រទេសចិន បានក្លាយជាអ្នកមានអាយុវែងបំផុតនៅប្រទេសនេះ ។
គ្រួសាររបស់លោកយាយមាន 4 ជំនាន់ហើយ ហើយកូនចៅសរុបមាន ៥៦នាក់ ។ ទោះបីវ័យច្រើនយ៉ាងនេះក្តី តែស្ថានភាពសុខភាព និងស្មារតីរបស់គាត់នៅល្អប្រសើរ ។
ឆ្លើយតបនឹងអ្នកស្រាវជ្រាវ លោកយាយប្រាប់ពីគន្លឹះ ៤យ៉ាង ដែលនាំមកនូវសុខភាពមាំមួនល្អ ។ នោះគឺ ៖
-មានគំនិតវិជ្ជមាន ហើយសុទិដ្ឋិនិយមជានិច្ច ៖
លោកយាយកំណត់ច្បាស់ពីពាក្យស្លោកសម្រាប់ជីវិតគឺ ៖ “រស់នៅកុំខឹង កុំច្រណែន កុំតូចចិត្ត” ។ គប្បីរក្សាផ្លូវចិត្តឲ្យរីករាយ កុំចង្អៀតចង្អល់ ។
មានរឿងមិនសប្បាយកុំសន្សំទុក គួរចែករំលែកនឹងបងប្អូន ។ កុំសំឡឹងមើលហេតុការណ៍ក្នុងអារម្មណ៍អវិជ្ជមាន… ។
-បរិស្ថានរស់នៅល្អ ៖
បរិស្ថានល្អពុំមែនជាផ្ទះធំទ្រនំខ្ពស់ទេ ។ លោកយាយចូលចិត្តរស់នៅក្នុងបរិស្ថានដែលមានរុក្ខជាតិបៃតងច្រើន ។ រស់នៅនឹងធម្មជាតិជួយឲ្យអារម្មណ៍គ្មានភាពហ្មងសៅ ។
-របៀបរបបរស់នៅត្រូវស្ថិរភាព ៖
គប្បីសាងទម្លាប់ល្អៗ ជាអាទិ៍គួរភ្ញាក់ពីដំណេកពេលព្រលឹម ហាត់ប្រាណសមល្មម ។ បរិភោគ និងដេកឲ្យទៀងទាត់ពេល ហើយបើទំនេរគួរដើរលេងៗជុំវិញកន្លែងរស់នៅ ។ កុំស្ងៀមមួយកន្លែង ។
-បរិភោគសាមញ្ញ សាច់តិច បន្លែច្រើន ៖
លោកយាយប្រាប់ថា ៖ គាត់ផឹកទឹកអណ្តូងដែលជីកមកពីដី បរិភោគបន្លែផ្លែឈើ តាមរដូវកាលរបស់វា ពិសេសគឺបរិភោគរបស់ធម្មជាតិសាមញ្ញ ។ ជាទូទៅត្រូវបរិភោគសាច់តិច ឬបរិភោគអាហារបួស ។
គន្លឹះទាំង៤យ៉ាងបាននាំឲ្យគាត់មានវ័យ ១៣២ឆ្នាំហើយ ហើយនៅមាំទាំល្អ ។
ប្រិយមិត្ត! បើអាចធ្វើបានចាំអីទៀត!
ចន្ទ្រា