ភ្នំពេញ ៖ នាយកដ្ឋានប្រយុទ្ធនឹងជំងឺឆ្លង CDC នៅថ្ងៃទី២ ខែកុម្ភៈ ឆ្នាំ២០១៩ បានឲ្យដឹងថា ពិធីបុណ្យចូលឆ្នាំថ្មី ចិន វៀតណាម
នឹងឈានមកដល់ពេលឆាប់ៗខាងមុខនេះ ក្រសួងសុខាភិបាល សូមក្រើនរំលឹក ដល់បងប្អូនជនរួមជាតិទាំងអស់អំពីការឆ្លងជំងឺផ្តាសាយបក្សី ការពុលចំណីអាហារ និងពុលស្រា ។
សម្រាប់ការពារការពុលចំណីអាហារ ឬស្រា ដែលផលិតមិនមានបច្ចេកទេសត្រឹមត្រូវ ក្រសួងសុខាភិបាល សូមជម្រាប់សាជាថ្មីថាករណីពុលស្រា គឺបង្កឡើងដោយសារជចាតិមេតាណុល ដែលមាននៅក្នុងស្រាលើសពីកម្រិតធម្មតា (០,១៥ភាគរយ) ដែលមានកើតឡើងនៅច្រើនកន្លែងនៅទូទាំងពិភពលោក ដោយសារស្រាដែលផលិតឬបិត នៅតាមមូលដ្ឋានសហគមន៍មិនបានត្រឹមត្រូវតាមក្បូនខ្នាតបច្ចេកទេស។ ការពុលស្រា បណ្តាលឲ្យស្រវាំង ឬងងឹតភ្នែក សន្លប់ ប្រកាច់ ពិបាកដកដង្ហើម និងអាចវិវត្តន៍ទៅស្លាប់បាន។ រីឯការពុលចំណីអាហារវិញ គឺបង្កឡើងដោយសារចំណីអាហារចម្អិតមិនបានល្អ មិនស្អាតជូរផ្អូម ឬមានសារធាតុគីមី ដែលបណ្តាលឲ្យមានបញ្ហាសុខភាពដូចជា ឈឺពោះ រាករូស និងក្អូត ជាដើម។
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល សូមណែនាំនិងលើកទឹកចិត្តគ្រប់ៗគ្នា ឲ្យចូលរួមអនុវត្តន៍នូវវិធានការប្រុងប្រយ័ត្ន រួមទាំងការការពារផ្ទាល់ខ្លួន និងក្រុមគ្រួសាររបស់ខ្លួន ដើម្បីជៀសផុតពីបញ្ហាពុលចំណីអាហារ និងស្រា ដែលផលិតមិនមានបច្ចេកទេសត្រឹមត្រូវ ដោយរួមគ្នាអនុវត្តន៍វិធានការសាមញ្ញ ។
ក្រសួងសុខាភិបាល សូមលើកទឹកចិត្តឲ្យសាធារណជនទូទៅ អនុវត្តន៍តាមដំបូន្មានសាមញ្ញ ដើម្បីការពារអ្នកនិងក្រុមគ្រួសារ និងសូមជូនពរលោកអ្នកទាំងអស់គ្នា មានសុខភាពល្អសប្បាយរីករាយ ក្នុងពិធីបុណ្យចូលឆ្នាំចិន និងឆ្នាំខ្មែរនាពេលខាងមុខនេះ៕ ដោយ ៖ កូឡាប
សូមអានសេចក្តីប្រកាសពមាន ដែលមានភ្ជាប់មកជាមួយនេះ ៖
