ក្រោយពេលបើកលុយត្រូវឆ្នោតយ៉ាងសន្ធឹកសន្ធាប់ បុរសចំណាស់ ឈ្មោះ Francinaldo អាយុ ៧៤ឆ្នាំម្នាក់ បានធ្វើពាក្យលែងលះភរិយាកំសត់កម្រ ៦៩ឆ្នាំហើយ ហើយថែមទាំងមានកូនជាមួយគ្នាដល់ទៅ… ១៤នាក់ ។
បុរសចំណាស់ត្រូវឆ្នោតបានលុយសន្ធឹកសន្ធាប់ ។
គ្រាន់តែលែងលះរួចភ្លាម តាចំណាស់អាយុ ៧៤ឆ្នាំនេះបានចុះចោលកូនប្រពន្ធមករួមរស់នឹងគូស្នេហ៍ “ខ្ចីពេញ” វ័យ ១៨ឆ្នាំ ឈ្មោះ Mayra ។
ហេតុការណ៍ពិតជាហួសពីការស្មានរបស់ភរិយានិងក្រុមគ្រួសារ ។ ពួកគេកើតទុក្ខផង ខឹងសម្បារផង ។
ចំណែកស្រីស្នេហ៍ Mayra និយាយជាប់មាត់ថា ៖ មនោសញ្ចេតនារបស់នាងចំពោះលោក Francinaldo គឺស្មោះស្ម័គ្រពុំមែនដើម្បីប្រាក់ទេ ។
ថ្ងៃដំបូងដែល Franconaldo ឡើងមកនៅផ្ទះស្រីក្មេង បានចាប់ផ្តើមប្រតិបត្តិការមិនអង្អង់…។ មួយសន្ទុះក្រោយស្រាប់តែដកដង្ហើមដង្ហក់ ហើយដួលទ្រោបពីលើស្រីក្មេង ។
លោក Francinaldo និងស្រីស្នេហ៍វ័យក្មេង ។
ពេលឃើញប្រុសស្នេហ៍វ័យចំណាស់លែងកម្រើក Mayra គិតថាប្រហែលគាត់ចង់សម្រាកបន្តិច ប៉ុន្តែមួយសន្ទុះក្រោយនាងបានដាស់តែពុំឃើញឆ្លើយតប ។ នាងភ័យតក់ស្លុតក៏ទូរស័ព្ទសុំការសង្គ្រោះ និងផ្តល់ព័ត៌មានឲ្យប៉ូលិស ។
លទ្ធផលគឺតាចាស់បាន… ដាច់ខ្យល់ស្លាប់បាត់ហើយ ហើយមូលហេតុគឺថប់ដង្ហើម ។
នៅប៉ុស្តិ៍ប៉ូលិសស្រីក្មេងបាននិយាយថា ពេលកំពុង “រួមរក្ស” នាងបានស្រវ៉ាឱបក្បាលគូស្នេហ៍ដែលកំពុងងប់ងល់នឹងតណ្ហា ហើយនាងក៏ពុំដឹងអ្វីដែរ ។
យ៉ាងណាក៏តាចាស់ល្មោភស្រីក្មេងបានទៅកាន់…”ជាតិក្រោយ”ហើយ ហើយស្រីស្អាតក៏ត្រូវប៉ូលិសឃុំខ្លួន ស៊ើបអង្កេត ។
រីឯទ្រព្យសម្បត្តិត្រូវបានបង្វិលឲ្យប្រពន្ធកូនលោក Fancinaldo វិញ ៕ ចន្ទ្រា