វីដេអូមួយនេះ ពិតជាបានធ្វើឲ្យមនុស្សគ្រប់ៗគ្នា មានការហួសចិត្តយ៉ាងខ្លាំង នៅពេលបានឃើញបុរសអាយុប្រហែល ៥០ ឆ្នាំ ម្នាក់ បានជិះម៉ូតូក្នុងល្បឿនយ៉ាងលឿន និងបានរេចេញពីផ្លូវ ទៅបុកនឹងស្លាកសញ្ញាមុខហាងគេយ៉ាងពេញទំហឹងតែម្តង ។
តាមរយៈវីដេអូ បុរសម្នាក់ត្រូវបានឃើញជិះម៉ូតូយ៉ាងលឿន ស្ថិតនៅតាមបណ្តោយផ្លូវជាប់ប្រឡាយទឹកមួយ ពុំសូវមានចរាចរខ្វែងខ្វាតទេ ។ លុះមកដល់កន្លែងកើតហេតុ បុរសនេះស្រាប់តែបើកម៉ូតូរេចេញពីផ្លូវ សំដៅរកស្លាកសញ្ញាមួយកំពុងស្ថិតនៅមុខហាងយ៉ាងពេញទំហឹង រួចធ្លាយទៅព្រលះម៉ូតូ១គ្រឿងទៀត កំពុងចតចោលខាងមុខ បណ្តាលឲ្យដួលគ្រាំងលាន់ឮដល់ម្ចាស់ហាង និងមនុស្សម្នានៅក្បែរនោះ ចេញមុខគួរឲ្យហួសចិត្ត ។
បើទោះជាហេតុការណ៍នេះឃើញថាសាហាវយ៉ាងណាក៏ដោយ តែបុរសនោះ គ្រាន់តែបាត់បង់ស្មារតីមួយភ្លែតប៉ុណ្ណោះ និងងើបឡើងដោយគ្មានបញ្ហាអ្វីនោះទេ និងព្រមទាំងនិយាយសម្រួលអង្វករជាមួយម្ចាស់ហាងផងដែរ ៕ ចំពោះហេតុការណ៍ដ៏ហួសចិត្តនេះ មនុស្សជាច្រើនបានដាក់ការសង្ស័យថា បុរសនេះអាចងងិតមុខមួយភាំង ឬ សត្វចូលភ្នែក តែម្តង ហើយដោយសារតែគាត់ជិះលឿនពេក ទើបពុំអាចគ្រប់គ្រងស្ថានការណ៍នេះបានទាន់ពេលវេលា ៕ រក្សា
