តាកែវ ៖ កាលពីថ្ងៃទី១៥ ខែធ្នូ ឆ្នាំ២០១៧ វេលាម៉ោង 11និង 30នាទី នៅចំណុចមុខការិយាល័យកសិកម្មស្រុកត្រាំកក់ ស្ថិតនៅភូមិព្រៃរំដេង ឃុំអង្គតាសោម ស្រុកត្រាំកក់ មានករណីហិង្សាមួយកើតឡើង បង្ករឡើងដោយជនសង្ស័យមួយក្រុម បានធ្វើសកម្មភាពប្រដាប់ដោយខ្សែរ ក្រវ៉ាត់ និងដាវ ជិះម៉ូតូដេញ វាយទៅលើជនរងគ្រោះ មានគ្នា០២នាក់ មាន ៖ ទី1.ឈ្មោះ វ៉ន ណៃភេទ ប្រុស អាយុ18ឆ្នាំ រស់នៅភូមិអង្គតាសោម ឃុំអង្គតាសោម និងទី 2.ឈ្មោះ មិន សុផា ភេទ ប្រុស អាយុ 18ឆ្នាំរស់នៅភូមិ ព្រៃរំដេង ឃុំអង្គតាសោម ស្រុកត្រាំកក់ ខណៈពេលជនរងគ្រោះកំពង់ជិះម៉ូតូ ត្រូវបានជនសង្ស័យជិះមកពីក្រោយរួចកាប់ចំពីខាងក្រោយ បណ្តាលឱ្យរងរបួស ស្រាល និងខូចខាតម៉ូតូ មួយចំនួន ។
អធិការស្រុកត្រាំកក់លោក ឌុក ធីយ៉ា បានប្រាប់អោយដឹងថាក្រោយពេលទទួលបានព័ត៌មានភ្លាម កម្លាំងជំនាញអធិការដ្ឋាននគរបាលស្រុកត្រាំកក់ បានធ្វើការអន្តរាគមន៍ និងឃាត់ខ្លួនបានជនសង្ស័យចំនួន2នាក់ មានទី1ឈ្មោះ យិន សុគន្ធវិរៈ ភេទប្រុស អាយុ17ឆ្នាំ រស់នៅភូមិម្រុំ ឃុំតាភេម ស្រុកត្រាំកក់ និង2ឈ្មោះ តុង ជីវ័ន្ត ភេទ ប្រុស អាយុ 18ឆ្នាំ រស់នៅភូមិត្រពាំងត្របែក ឃុំអង្គតាសោម ស្រុកត្រាំកក់ រីឯបក្សពួកផ្សេងទៀតរត់គេចខ្លួនបាត់ ព្រមទាំងដកហូតម៉ូតូ០២គ្រឿងដែលជនសង្ស័យជិះធ្វើសកម្មភាព ផងដែរ ។ បច្ចុប្បន្ន ជនសង្ស័យខាងលើ សមត្ថកិច្ចកំពុងធ្វើការសាកសួរ ដើម្បីកសាងសំណុំរឿងតាមនិតិវិធី ៕ តាកែវ