ភ្នំពេញ ៖ បើតាមសេចក្តីប្រកាសព័ត៌មានរបស់ក្រុមហ៊ុន HMD Global HMD Global នៅ ថ្ងៃទី 18 ខែធ្នូ ឆ្នាំ 2017 បានបង្ហាញថា ដើម្បីអបអរសាទរបុណ្យណូអែល និងចូលឆ្នាំសកល ខាងមុខនេះក្រុមហ៊ុនទូរស័ព្ទ Nokia នឹងរៀបចំព្រឹត្តិការណ៍ដ៏អស្ចារ្យមួយ មានរយៈពេល២ថ្ងៃនៅផ្សារទំនើបអ៊ីអន Lively Plaza(ជាន់ផ្ទាល់ដី) ចាប់ពីថ្ងៃទី 21 ដល់ ថ្ងៃទី 22 ខែធ្នូ ឆ្នាំ 2017។
ក្នុងព្រឹត្តិការណ៍នេះនឹងមានកម្មវិធីសប្បាយៗជាច្រើនដូចជា ការលេងហ្គេម ការចូលរួមថតរូបជាមួយទូរស័ព្ទNokiaស្មាតហ្វូន និងការចាប់ឆ្នោតផ្សងសំណាងដើម្បីឈ្នះរង្វាន់ភ្លាមៗដូចជា ទូរស័ព្ទស្មាតហ្វូន Nokia 6 ទូរស័ព្ទ Nokia 105 អាវយឺត Nokia គូប៉ុងភេសជ្ជៈAmazon និងរង្វាន់អនុស្សាវរីយ៍ស្រស់ស្អាតជាច្រើនទៀត។
លើសពីនេះទៅទៀត កម្មពិធីនេះនឹងមានវត្តមានក្រុមរាំ OMG និង តារាចម្រៀង Original Song លោក Tena មកចូលរូមសម្តែង និងជួបប្រិយមិត្តផ្ទាល់ផងដែរ។
កញ្ញា ដាណែត តំណាងក្រុមរាំ OMG មានពាក្យពេជន៍មួយចំនួនដើម្បីផ្តាំផ្ញើដល់ប្រិយមិត្តទាំងអស់គ្នា “សួស្តីហ្វេនទាំងអស់គ្នា កុំភ្លេចមករាំលេងជាមួយក្រុមខ្ញុំ និងលោក Tena ក្នុងកម្មវិធីសប្បាយៗរបស់ទូរសព្ទ័ Nokia នៅថ្ងៃទី 21 ដល់ ថ្ងៃទី 22 ខែធ្នូ ឆ្នាំ2017 ខាងមុខនេះណា!” ។
សប្បាយៗ បានរង្វាន់ និងបានជួបតារាមានប្រជាប្រិយហើយនៅចាំអីទៀត ជួបគ្នាថ្ងៃ 21-22 ខែធ្នូ ខាងមុខនេះនៅផ្សារទំនើបអ៊ីអន! កុំភ្លេចនាំ CRUSH មកជាមួយផងណា!
សូមបញ្ជាក់ថា ក្រុមហ៊ុន HMD Global មានទីស្នាក់ការកណ្តាលនៅទីក្រុង Espoo ប្រទេសហ្វាំងឡង់ ហើយ HMD Global Oy គឺជាទឹកដីកំណើតរបស់ទូរស័ព្ទ Nokia។ ក្រុមហ៊ុន HMD មានអាជ្ញាប័ណ្ណផ្តាច់មុខលក់នូវទូរស័ព្ទNokia ស្មាតហ្វូន តម្រូវដល់ទីផ្សារច្រើនប្រភេទ ជាមួយនឹងតម្លៃសមរម្យ។ ជាមួយនឹងការប្តេជ្ញាចិត្តចំពោះការច្នៃប្រឌិតនិងគុណភាព ក្រុមហ៊ុន HMD មានមោទនភាពទទួលបាននូវអាជ្ញាប័ណ្ណផ្តាច់មុខចំពោះការផលិតទូរស័ព្ទនិងថេប្លេតម៉ាកNokia។ សម្រាប់ព័ត៌មានបន្ថែម សូមចូលទៅកាន់ www.hmdglobal.com៕ ដោយ៖កូឡាប