ខេត្តស្វាយរៀង ៖ លោកឧត្តមសេនីយ៍ ខាត់ សារ៉ាត់ នាយប៉ុស្តិ៍អន្តោប្រវេសន៍ច្រកទ្វារព្រំដែនអន្តរជាតិបាវិត និងលោកស្រី នៅព្រឹកថ្ងៃទី២៥ ខែកុម្ភ: ឆ្មាំ២០១៩នេះ បានអញ្ជើញជាអធិបតីនៅក្នុងពិធីសម្ពោធឆ្លង និងកាត់ឬសសីមា ព្រះវិហារវត្តតាឡុក ស្ថិតក្នុងភូមិតាបឹប សង្កាត់បាវិត ក្រុងបាវិតដោយបានចំណាយថវិកាសាងសង់ ប្រមាណជាជាង២៥ម៉ឺងដុល្លារ ដែលជាការចូលរួមបច្ច័យ ពីពុទ្ធបរិស័ទជិតឆ្ងាយផងដែរ។
នៅក្នុងពិធីសម្ភោធឆ្លង និងកាត់ឬស្សសីមា ព្រះវិហារវត្តតាឡុកនេះដែរ ក៏មានការនិមន្តចូលរួមពីសំណាក់ព្រះសុមេធវង្សបណ្ឌិត សុខ ប៊ុនធឿន ព្រះរាជាគណ:ថ្នាក់ត្រី គណ:មហានិកាយនៃកម្ពុជាទាំងពុទ្ធបរិស័ទជិតឆ្ងាយជាច្រើនរូបទៀត។
បើតាមសង្ឃដីការបស់ព្រះគ្រូចៅអធិការវត្តតាឡុក បានមានសង្ឃដីកាថា ព្រះវិហារដែលត្រូវកាត់ឬសសីមា នាពេលនេះចំណាយថវិកាសាងសង់អស់២៥២,០០០ដុល្លារអាមេរិក ដែលបានមកពីការចូលរួមរបស់ពុទ្ធបរិស័ទជិត ឆ្ងាយជាពិសេសជាការចំណាយថវិការសាងសង ពីលោកឧត្តមសេនីយ៍ ខាត់ សារ៉ាត់ និងលោកស្រី ស ពៅ ផងដែរ។
ព្រះតេជគុណបានមានសង្ឃដីកាបន្តទៀតថា រាជរដ្ឋភិបាលកម្ពុជា ដែលដឹកនាំដោយសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែងតែគោរពសិទ្ធិសេរីភាពរបស់ប្រជាពលរដ្ឋខាងជំនឿ និងការគោរពពុទ្ធសាសនា និងសាសនាដទៃទៀត ដោយគ្មានការរើសអើង។
ព្រះតេជគុណបានមានសង្ឃដីកាឲ្យដឹងថា ទំនាក់ទំនងរវាងជំនឿសាសនា និងជីវភាពរស់នៅរបស់ប្រជាពលរដ្ឋ ពិតជាមិនអាចកាត់ផ្ដាច់បានឡើយ ហើយប្រជាជនកម្ពុជា ចាត់ទុកវិស័យព្រះពុទ្ធសាសនា គឺជាផ្នែកមួយ នៃអត្តសញ្ញាណជាតិ ដែលមានចែងក្នុងរដ្ឋធម្មនុញ្ញ នៃព្រះរាជាណាចក្រកម្ពុជាថា ព្រះពុទ្ធសាសនាជាសាសនារបស់រដ្ឋហើយ នៅក្នុងពិធីបុណ្យនេះដែរ ក៏មានពិធីរាប់បាត្រប្រគេនដល់ព្រះសង្ឃ១៥០អង្គ ដែលនិមន្តបិណ្ឌបាតជុំវិញព្រះវិហារផងដែរ៕ ដោយ ៖ វ៉ៃកូ