ប្រជាពលរដ្ឋកាត់ទោសប្រហារជីវិតចោរប្លន់ម្នាក់ ជាក់ស្តែងស្លាប់ជាមួយកាំភ្លើងពេលបាញ់ប្លន់អ្នករកស៊ីរាប់លុយ
ភ្នំពេញ ៖ ប្រជាពលរដ្ឋជាច្រើននាក់បាននាំគ្នាឡោមព័ទ្ធនិងបានសម្រេចកាត់ទោសប្រហារជីវិតចោរប្លន់ម្នាក់ ខណៈចូលប្លន់ក្នុងផ្ទះនិងបាញ់ជនរងគ្រោះអោយរបួសធ្ងន់។
អំពើប្លន់នេះបានកើតឡើងនៅត្រង់ចំណុចផ្ទះលេខ៧៩៥ ផ្លូវ៣៩MC ភូមិចំរើនផល៣ សង្កាត់បឹងទំពុនទី១ខណ្ឌមានជ័យ។
ប្រភពព័ត៌មានជាជំហានដំបូងថា ជនសង្ស័យខាងលើ មុនស្លាប់គឺបានធ្វើសកម្មភាពចូលក្នុងផ្ទះស្ត្រីជនរងគ្រោះ ហើយបានបាញ់ស្ត្រីជាម្ចាស់ផ្ទះចំនួន២គ្រាប់បណ្តាលអោយរងរបួសធ្ងន់ ហើយក្នុងខណៈគេចខ្លួននោះជនសង្ស័យត្រូវប្រជាពលរដ្ឋជាច្រើននាក់បាននាំគ្នាឡោមព័ទ្ធនិងបានសម្រេចកាត់ទោសប្រហារជីវិតស្លាប់នៅកន្លែងកើតហេតុតែម្តង។
ចោរប្លន់ប្រដាប់អាវុធម្នាក់ដែលបាញ់ប្លន់អ្នកចងការប្រាក់ឱ្យរបួស២នាក់ត្រូវប្រជាពលរដ្ឋព័ទ្ធចាប់បានព្រួតគ្នាវាយរហូតដល់ស្លាប់ម្នាក់និងម្នាក់ទៀតរត់គេចខ្លួនបាត់។
ជនរងគ្រោះមានគ្នា២នាក់ ក្នុងនោះ ម្នាក់ ភេទស្រី ត្រូវរបួសជើង និងអ្នកជិតខាងម្នាក់ទៀតភេទប្រុសរបួសជើងក្រោយមកបានបញូនទៅព្យាបាលនៅមន្ទីពេទ្យ។
បើតាមប្រជាពលរដ្ឋដែលឃើញហេតុការណ៍ផ្ទាល់ភ្នែកបានឲ្យដឹងថា ជនសង្ស័យទាំង២នាក់ខាងលើ ដែលមិនទាន់បានស្គាល់ពីអត្តសញ្ញាណនៅឡើយ គេបានជិះម៉ូតូមួយគ្រឿងសេ១២៥ សេរីឆ្នាំ២០១៦ ពណ៌ខ្មៅ មកធ្វើសកម្មភាពភ្ជង់ប្លន់យកកាបូបពីជនរងគ្រោះ២នាក់ប្តីប្រពន្ធដែលប្រកបមុខរបរដើររាប់លុយ(ចងការប្រាក់) កំពុងជិះម៉ូតូអែប្លែក មួយគ្រឿងបម្រុងជិះចូលក្នុងផ្ទះ តែជនរងគ្រោះមិនប្រគល់កាបូបលុយឲ្យទើបកើតមានការប្រតាយប្រតប់គ្នារវាងជនរងគ្រោះនិងជនសង្ស័យ ហើយជនរងគ្រោះបានស្រែកចោរៗ រហូតធ្វើឲ្យជនសង្ស័យម្នាក់ដកកាំភ្លើង ខ្លីម៉ាកK59 បាញ់ចំនួន៣គ្រាប់ផ្ទួនៗគ្នា បណ្តាលឲ្យស្ត្រីរងគ្រោះជាម្ចាស់កាបូបលុយរបួសចំកែងជើង១គ្រាប់ និងផ្លាតត្រូវបុរសម្នាក់ទៀតជាប្រជាពលរដ្ឋចំភ្លៅចំនួន១គ្រាប់ បណ្តាលឲ្យរងរបួសធ្ងន់ទាំង២នាក់ ។
ភ្លាមៗនោះជនសង្ស័យជាអ្នកកាន់កាំភ្លើងបានបំរុងបាញ់បន្តទៀតតែមិនផ្ទុះក៏ត្រូវប្រជាពលរដ្ឋបានឡោមពទ្ធ័ ចាប់ខ្លួនបានហើយនាំគ្នាកាត់ទោសប្រហារជីវិតដោយដុំថ្ម និងដំបងដែកទីប រួមនិងឈើជ្រុង គ្រប់ដៃសំពងនិងលើកអុកមុខជនសង្ស័យជាអ្នកបាញ់ បណ្តាលឲ្យស្លាប់ក្នុងថ្លុកឈាមជាមួយនឹងកាំភ្លើងដែលធ្វើសកម្មភាពនោះ ។ ចំណែកបក្ខពួកម្នាក់ទៀត បានប្រញាប់ភ័យជិះម៉ូតូគេចខ្លួនបាត់តែម្ដង៕ ដោយ ៖ កូឡាប
